Anne nagpasalamat sa pagtitiyaga ni Erwan

Nangako si Anne Curtis na kakaiba ang kanyang ipapamalas sa ikatlong major concert niya sa Araneta Coliseum sa darating na August 18 at 8 p.m. sa ANNEkulit: Promise Last Na ‘To na nakatakdang idirek ni Paul Basinillo kasama si Louie Ocampo bilang musical director at si Teacher Georcelle as dance director.  Makakasama ni Anne bilang special guest performers sina Sarah Geronimo, James Reid, Aegis at Regine Velasquez kasama ang G-Force. Bilang paghahanda ay kumuha si Anne ng voice lessons para kanyang masabayan ang pakikipag-duet sa kanyang mga guest.

After her August 18 ANNEkulit: Promise Last Na ‘To at the Big Dome ay saka naman niya haharapin ang kanyang much-delayed honeymoon with husband of almost one year na si Erwan Heussaff sa darating na November (their 1st wedding anniversary).

Aminado si Anne na malaki na umano ang kanyang atraso sa kanyang husband pero pinasasalamatan niya ito dahil sa pagiging patient, understanding at supportive sa kanyang career kahit ang oras nila para sa isa’t isa ang naaapektuhan.

After their month-long honeymoon and vacation ay agad ding haharapin ni Anne ang kanyang pagbabalik sa It’s Showtime at pagpu-promote ng kanyang Metro Manila Film Festival entry na Aurora, isang horror movie na dinirek ni Yam Laranas and produced by Viva Films.

Vicor Films tuluy na tuloy na

Matagal na naging mag-business partners ang mag-pinsang Vic del Rosario, Jr. at Orly Ilacad nang kanilang itatag in 1966 ang Vicor Music Corporation na naging number one record company during the 70’s at pinagmulan na malalaking recording stars and artists. Pero ang business partnership ng mag-pinsan ay kanilang winakasan at nagtatag sina Boss Vic at Boss Orly ng kanilang respective recording companies – ang Viva Records for Boss Vic at OctoArts International for Boss Orly na parehong umarangkada nung 80’s to 90’s.

Bukod sa recording, Boss Vic has ventured into films and other business platforms habang si Boss Orly naman ay tumigil sa recording business at iti­nuon ang attention sa pagpu-produce ng mga pelikula under OctoArts Films.

Kamakailan lamang ay muling nag-usap ang mag-pinsan at plano nilang gumawa ng joint mo­vie production at nag-suggest si Boss Vic na gawin itong Vicor Films bilang pagkilala sa kanilang itinatag noon recording company, ang Vicor Music Corporation. Vicor stands sa pinagsamang pangalang Vic and Orly.