Her beautiful journey

CEBU, Philippines — Kitang tanan dili gyud makalikay nga makasinati og mga kakulian sa atong tagsa-tagsa ka mga  kinabuhi gumikan kay kitang tanan makasinati gyud og mga nagkadaiyang pagsulay dinhi niining kalibutan.

Sa pagpabuhagay sa kinabuhi sa 25 anyos sa Sinulog Idol 2012 nga si Ronna Jenn Lofranco-Cañete kinsa nahimong ikatulong tighupot sa maong titulo, misaysay siya sa iyang kaagi sa kinabuhi nga bisan og naana siya mahimutang sa malipayon, malaumon ug anaa lang sa husto nga estado nga kahimtang sa pamilya, adunay panahon nga lisod gyud ang ilang nasinati sa iyang pamilya ilabi na kadtong nasakit ang iyang amahan nga si Sofronio.

“Galisod gyud mi maayo kay dili pasad ko kahibaw ato modiskarte og pangita og kwarta. In short, gasalig pako nila mama ug papa. Unya mo-eskwela mi sa akong igsuon nga babaye nga walay kaon, unya usahay plete ra gyud among baon para lang maka-eskwela lang. Naabot sa punto nga once a day ra makakaon kay wala si mama kay gaatiman ni papa sa ospital. Giluom ug giagwanta gyud to nako. Gihunahuna rasad to nako nga pagsuway lang to nga molabay ra”, asoy pa ni Ronna.

Gilig-on si Ronna sa pagtuo ngadto sa Ginoo ug kanunay siya nga nag-ampo nga unta dili lang makasinati pa og ingon niining klase sa maong pagsuway tungod kay alang kaniya bisan og molabay lang kini, lisod gihapon kining maong sitwasyon.

Alang kaniya, ang maong pagsuway mao ang nagpabalik sa mga maanindot nga mga panghitabo nga gisaw-an sa iyang pamilya ilabi na sa iyang amahan kinsa mao ang adunay dakong tabang kon unsa siya karon.

“My first teacher was my father then my mother assisted him. Sila ang nakadiskubre sa akong talent. They saw and heard me singing April Boy Regino's songs. While magkanta sab akong papa kay mangilog daw ko og microphone when I was two years old palang then pag-three nako kay makatono na gyud ko og kanta bisan ang ubang lyrics wa na nagkadimao”, saysay pa niya.

Suportado gyud sa ginikanan ni Ronna ang iyang talento sa pagkanta, gani gipasuway siya og apil og singing contest niadtong 5 anyos na siya.

“First time to nako and that was so memorable. Confident ko nga mokanta on stage and wala gyud ko gikulbaan ato. Happy lang gyud ko ato labi na nindot kaayo ako gown kay gipalitan gyud kong mama og ball gown. Mas nalipay ko og samot kay na champion gyud ko. I was the youngest competitor and napildi nako ang mga 15 up to 30 yrs old nga mga contestants”, matud pa ni Ronna.

Gipapadayon siya og paapil sa mga lokal nga kompetisyon sa radyo ug mall dinhi sa Sugbo kun diin makakuha gyud siya  og mga espesyal nga mga ganti ug tungod sa mga kompetisyon nga iyang nasalmotan, nakaangkon siya og mga sponsorship sa mga music school.

Kay pursigido gyud ang ginikanan ni Ronna nga mabaid ang iyang katakus, gipaubos siya og 12 ka sessions sa Center for Pop Music Mandaue kaniadto.

Gitug-an ni Ronna nga sa 18 ka tuig niya nga pag-apil-apil og mga singing contest, sa Sinulog Idol ra niya nasinati ang labing daghang butang nga nakapalig-on og samot kaniya.

“I had experienced a lot of coaching and training guidelines nga nakatabang gyud nako as a performer and to what I am now”, suma pa ni Ronna.

Alang kang Ronna nga dako gyud og nahimong tabang ang Sinulog Idol sa iyang karera.

“To be honest, the title itself is a life changing. It opens a lot of doors and prestigious opportunities. I get to travel and perform to different places because of Sinulog Idol. I was invited to corporate events sa Cebu up until now. I met people nga mo-recommend nako to perform on events and magka-gig ko para naa koy extra income”, suma pa ni Ronna.

Wala magtuo si Ronna nga maabot siya sa istado sa iyang karera karon gumikan kay lahi gyud ang istilo sa pagkanta niya kaniadto kon itandi niya human siya miapil sa Sinulog Idol.

“Sauna kay mura ko’g naay gipugngan sa kinantahan so dili nako mahatag ang best performance. Karon kay I gained confidence and improve a lot of things especially sa akong techniques on performing on stage,” dugang pa niya.

Sa pagbalik-tan aw ni Ronna, gitinguha gyud niya nga makasulod sa maong kompetisyon tungod kay   nakadungog siya kung unsa kini kalig-on. Wala sab siya nakaipsot sa  mga kakulian nga wala gyud niya damha nga mahitabo ngadto kaniya.

“Pag-apil nako sa Sinulog Idol, nasakit ko. I had nodes and the doctor advised me to rest for 6 months but I only rested for 3 months coz I really want to continue sa trainings/workshops as the date of the competition gets nearer. Wala gani ko mibalik og pa-check up sa doctor kay nahadlok ko nga kasab-an”, asoy pa ni Ronna.

Gisalig ni Ronna ang tanan ngadto sa Birhen sa Simala tungod kay giampo gyud niya nga maayo ang iyang tingog ug makanta niya og tarong ang iyang mga kanta sulod sa pito ka gabii nga kompetisyon.

Apan mura og giduwaan ang kapalaran ni Ronna tungod kay sa katapusang gabii sa kompetisyon, nawala ang iyang sul-ubon nga gown. Matawag ni Ronna nga usa sa memorable nga panghitabo sa iyang Sinulog Idol journey tungod kay wala na siya nakulbaan sa iyang kantahon apan nakulbaan siya sa mahimo niya nga sul-ubon tungod kay wala kini niya naaninaw didto sa iyang gibutangan. Didto lamang siya nakaginhawa og lawom sa dihang  nakit-an niya ang iyang gown una pa nagsugod ang kompetisyon.

“Every day, I thank God for giving me this precious talent that I could treasure my whole life and could later pass on to my next generation. I thank my family for the never ending support on my career. To my husband and my baby as my inspiration in everything I do. To the power couple Tita Gloria and Gani Villarojo for having my back always. For the people who appreciate my talent, thank you so much and I hope dili mu mapul-an support nako. I will work hard and do my best. Hugs and flying kisses!”