Espesyal nga tawo

Giasoy ni Khalil Ramos atol sa pagbisita niini sa programang Tonight with Boy Abunda nga dili pa siya makasulti kung unsa gyud ang tinud-anay nga istado  nila sa Kapuso star nga si  Gabbi Garcia. Apan miangkon ang singer-actor nga sige na sila og date ni Gabbi ug mitataw nga wala na siya'y laing gi-kadate pa nga laing babaye. “I’m not dating any other girls,"niya pa.

Focus sa istorya

Giasoy ni Vic Sotto nga dili prayoridad sa ilang team kung unsaon nila pagpildi sa box office ang pelikula ni Vice Ganda, kinsa lig-on nilang kaatbang sa umaabot nga Metro Manila Film Festival. Matod pa, pokos sila karon unsaon pagpanindot sa ilang istorya. Nasayran nga nag-uban silang Vic, Coco Martin ug Maine Mendoza sa usa ka pelikula sa MMFF nga nag-ulohan og  Jack Em Popoy: The Puliscredibles.

Princess Intan

Hingpit na nga gipahibalo sa publiko ang ngalan sa karakter ni Kris Aquino sa gilugwaang Hollywood movie niini nga Crazy Rich Asians. Sigon pa sa imdb.com, Princess Intan ang pangalan sa karakter ni Kris sa maong pelikula. Kahinumduman nga nihatag og hint si Kris kaniadto nga daw usa ka royalty role iyang gidala sa maong international movie.

Nag-agad ra

Gibutyag sa Kapuso star Maine Mendoza nga bisan namingaw  na ang AlDub loveteam, bukas gihapon siya sa posibilidad nga makatrabaho og balik sa usa ka proyekto si Alden Richards. Si Alden maoy bida sa bag-ong teleserye sa GMA-7 nga Victor Magtanggol,  samtang si   Maine  gikuha  ni Coco Martin aron malakip  sa usa ka Metro Manila Film Festival entry.

Nakighinabi sa fans

Nia karon sa nasud ang  South Korean stars Sandara Park ug Nam Joo Hyuk  alang sa meet-and-greet event sa  Penshoppe kagahapon didto sa SM Mall of Asia Arena. Kahinumduman nga ikaduha na kining higayon nga nibisita si Nam Joo dinhi sa nasud ug nakighinabi sa iyang Filipino fans.

Independent woman

Laing  hugna sa  makakilig  nga birthday greetings post ni Matteo Guidicelli alang sa  iyang hinigugma nga si Sarah Geronimo. Sigon pa sa aktor, malipayon siya sa pagka-independent woman na karon ni Sarah. “I wish her all the best. She's becoming a wonderful woman and very independent, so I'm very happy,” suma pa niya.

Makaduwa gyud

Gikumpirmar mismo sa hashtag member Ronnie Alonte nga madayon siya og duwa sa 2018 Kapamilya Playoffs ubos sa Team Daniel. Una niyang gibutyag sa nilabay'ng semana nga dili na siya makaduwa tungod sa iyang knee injury apan, niarang-arang na karon ang iyang kondisyon. Mahitabo ang Kapamilya Playoffs karong August 18 didto sa Araneta Coliseum.

Mobalik pa diay

Wala pa gyud diay nahuman ang kontrabida role sa beteranong aktor nga si Eddie Garcia sa teleseryeng ‘FPJ's Ang Probinsyano’ sanglit gibutyag niini nga mobalik pa siya sa maong show human sa pagtoo sa kadaghanan nga  gipatay na iyang karakter. “Babalik ako do’n kaya ako nagpatubo ng balbas at nagpaputi ako ng buhok,”pahibalo pa niini kinsa kanhi nagdala sa role isip Don Emilio.

Hugyaw ang experience

Gipaambit sa Kapamilya heartthrob Daniel Padilla ang iyang nindot nga experience didto sa Amsterdam atol sa shooting sa pelikula nila ni Kathryn Bernardo nga The Hows of Us. "Napakaganda. Unang una napakamababait ng mga tao, talagang winelcome kami, tinulungan kami ng walang hinihinging bayad," suma pa sa aktor.

Nanamilit na sa showbiz

Nagmagol-anon ang  fans ni Marco Gallo human gipahibalo sa ilang idolo nga mopahuway una kini sa iyang trabaho sa showbiz ug mobalik sa Italy aron ipadayon iyang pagtungha. Si Marco nailhan isip usa sa mga housemate  kaniadto sa Pinoy Big Brother sa ABS-CBN. "I'll see you in a few years," ni Marco pa.

Mga lig-ong artista

Ginganlang YES! 100 Most Beautiful Stars: Fan Magnets silang Angel Locsin ug Marian Rivera tungod sa grabeng suporta sa ilang fans sa  matag proyekto nga buhaton nila. Samtang ginganlang YES! 100 Most Beautiful Stars: Role Models silang Judy Ann Santos ug Jodi Sta. Maria tungod sa wala'y paghupas nga kahayag sa ilang career sukad nisulod sa showbiz.