Salamat Tanjay!

BisChika nga Domingo kanatong tanan!!! Sa dili pa ang tanan, nagsugod na gyud ang fiesta activities ug pangadye sa among Kapilya bisan pa man sa kadaghang giagian nga mga challenges nga among naagian. Kay pila na ka buwan nga nilabay ang among Kapilya kay gikoral tungod kay ang yuta nga iyang gibarugan nahalin na ug ang developer nga nakapalit gusto na kining gub-on apan hangtud karun wala pa naguba kay wala pa’y court order. Halos dili namo ma-imagine nga magselebrar ang among sityo nga gikural ang kapilya ug naa mismo ang among mahal nga Santos si Senyor San Roque. Kining among Kapilya kay karaan na kaayo kini karung tuiga mao ang ika-87 years nga Kapistahan sa among Patron. Mao nga nakahukom ang mga opisyales sa among Kapilya makural o wala padayon ang fiesta! Mao nga ang inyong Yur’s truly nagpanikad usab kay ang among team adunay usa ka gabie nga kalingawan ug mao kini ang Ginoong Esco 2018. Mao nga mapasalamaton kaayo ko nga aduna’y mga ni-sponsors sa maong kalingawan karung August 2, Huwebes alas nuebe sa gabie sa among stage area kilid lang sa chapel. Pero sa mga gustong mo-pledge modawat gihapon ang among team kay daghan pa kaayong mga dapat paliton. Mao nga sa mga gusto motan-aw sa among mga kalingawan adto lang mo sa Englis V. Rama kay nagbabag lang ang akong beauty sa among kapilya!

Speaking of kalingawan, sa unang higayon ang GMA Regional TV kay nihatod og kalingawan pinaagi sa pagsaulog sa kapistahan sa Tanjay City. Unang nagpakilig si Gabby Concepcion para sa ilang Matron Night; sunod ang mga Kapuso hunks and yummy nga silang Dennis Trillo ug Rafael Rossel para sa ilang Miss Tanjay 2018. Sa ikatulong gabii mao na ang among Kapuso Fiesta nga gipahigayon sa Rizal Park kauban ang mga Kapuso Stars nga silang Asia’s Nightingale ug usa sa mga judges sa The Clash, Lani Misalucha, Korean stars Alexander Lee ug Marucci ug ang mga komedyanteng sila si Boobay ug Tetayiip hosts.

First time namong naka trabaho si Miss Lani ug mo-bow ko sa kabuotan ug truly a true blooded diva gyud kini! Adunay ni request og kanta nga may whistle in the middle of the song. Bang! Ni whistle ang imong tiya Lani oi!  Winner kaayo! Sa mga gustong makakita sa pagbirit ni tiya Lani e like ang page sa GMA Cebu!

Samtang nisakit ang among apapangig og kinatawa sa performances nilang Tetay ug Boobay. Si Tetay nga nailhan sa iyang pag-impersonate kang Kris Aquino, pasok sa banga sa mga Kapuso kay ang mga katawa to the max gyud. Siyempre si Boobay wala pud nagpaulahi sa iyang mga pasiaw.

Gikilig sab ang audience sa duet nilang Kapuso Oppa Alexander Lee ug Marucci o mas naila na karon sa music scene isip AXM--meaning Alexander X Marucci. Gikanta nila ang ilang labing bag-ong single  “KeepYa Head“.  Naloka ko kay ang mga batan-on puwerteng singgit na man lang gyud!

Sa makausa pa, Daghang Salamat Tanjay City! Viva Senyor Santiago!