Wala Bayri sa wedding coordinator

Avisala mga KaBisChika!!! Hoy! Kahugyaw na man lang gyud sa mga panghitabo karun sa atong siyudad o sa Pilipinas. Bang Dire! Bang Didto! Mao nga karung adlawa relax usa kita sa mga krimeng nahitabo. Mga showbiz chika usa kita para mas hugyaw! Sa dili pa ang Kinsa Siya??? Sa atong mga friends diha sa Tanjay City mobisita ang inyong mga Kapuso stars para sa inyong Kapistahan…Karung July 22 – Makauban ninyo ang gwapo nga si Gabby Concepcion para sa Tanjay City Matron Queen sa Osmeña Park; July 23, ang mga gwapong hunks nga silang Dennis Trillo ug Rafael Rosell para sa Miss Tanjay 2018 didto gihapon sa Osmeña Park; July 24, Kapuso Fiesta kauban silang Lani Misalucha, Alexander Lee, Marucci, Tetay ug Boobay to be hosted by your Mother Butanding! Alas nuebe sa gabie sa Rizal Park. Magkita kita ta mga Kapuso! #GMARegionalTV #KapusoFiesta

Kinsa Siyaaa????

Usa ka local wedding coordinator wala namayad sa iyang mga supplier? BisChika sa atong Kinsa Siya Insider nga naloka ang couple kay sa dihang naabot na sila sa reception nahibulong na man sila nganong wala pa ang mga pagkaon sa buffet table. Nangutana sila sa in-charge sa reception, ang ending diay wala pa nabayaran sa wedding coordinator ang katunga sa total package --meaning wala pa’y full payment. Maayo na lang kay to the rescue ang family member para lang gyud madayon ang wedding reception program. Tuod man, diha na lang nahibaw-an nga wala pa kabayad ang wedding coordinator sa photos and video, host ug sa mga staff niini nga ang uban kay iya pa kining gikuha sa laing wedding supplier. Nangutana ko sa Kinsa Siya Insider nganong wala man siya kabayad nga fully- paid na man diay ang couple niya? Ang tubag sa Kinsa Siya Insider basin nagamit ang kuwarta sa laing butang! Kinsa Siya nga wedding coordinator?Bang! Usa ka babaye ug ang iyang pangalan kay kaparehas sa usa ka tindahan? Hahahahahahha! Mao nga naa gani mo plano magpakasal adto mo sa mga recommended nga mga wedding coordinator ug labaw sa tanan legit! Dunay business permit, DTI permit ug tanang permits pa kay sigurado ka nga asa sila pangitaon, noh? Hahahahahhaha!

Daghan kaayong salamat ni Maam Jelly ang owner sa Jellys Haven Resort sa Santa Fe, Bantayan Island para sa usa ka lamian nga panihapon. Nagkatapok gyud kaming mga taga Banat Hugyaw. Ang simpleng panihapon kay nahimong mas espesyal kay murag post birthday celebration kini sa among kauban nga si Nash Flores. Kay eat all you can man puwerte gyud namong busoga. Mao nga sa makausa pa, thank you Mam Jelly!