David at Shaira pilit na pinaghiwalay
MANILA, Philippines — Ngayong Sabado sa Magpakailanman, tunghayan ang kuwento nina Aron at Lisa, ang dalawang taong nagmamahalan ngunit sinubok at pinaghiwalay dahil sa pagkakaiba ng lahi at tradisyon.
Ang episode na pinamagatang Nakawin Natin ang Bawat Sandali ay pinangungunahan nina David Licauco bilang Aron at Shaira Diaz bilang Lisa. Makakasama rin sina Eric Quizon bilang Chui, Bernadette Allyson bilang Ling, Lovely Rivero bilang Elena, Simon Ibarra bilang Mateo, Janice Hung bilang Shirley, Hannah Precillas bilang Ikay at Ginger A. bilang Susay.
Pinaglayo ng mahabang panahon sina Lisa at Aron nang ikasal sa kapwa niya Tsino si Aron bilang bahagi ng isang tradisyon. Subalit isang araw ay muling pinagtagpo ng kapalaran sa isang mahiwagang pagkakataon.
Ipagpatuloy pa kaya nila ang naudlot na pag-iibigan kahit na ito ay bawal?
Mula sa direksyon ni Conrado Peru, huwag palampasin ang Magpakailanman ngayong Sabado ng gabi pagkatapos ng The Clash sa GMA 7.
- Latest