Wala mahimuot

CEBU, Philippines —  Gipasigarbo ni Kris Aquino nga ubay-ubay sa iyang mga higala ang nagpa-block screening gyud sa pelikulang  I Love You Hater.  Nasayran nga wala kaayo malipay si Kris sa hinay kaayo nga kita sa maong pelikula.

Mibisita sa mga tiguwang

Mabulukon ang pagsaulog ni Xian Lim sa iyang birthday.  Nibisita si Xian Lim sa mga katiguwangan sa miaging adlaw.  Usa kini sa dili niya malimtan sa pagsaulog sa adlaw niya nga natawhan.

Alexander mobalik sa nasud

Nagpanikad na ang Korean singer/actor nga si Alexander Lee sa pagbalik niya sa nasud alang sa promosyon sa iyang new single nga Keep Ya Head Up . Ka-duet niya sa maong awit ang  Korean singer/songwriter nga si Marucci.

Umaabot amahan

Malipayong gipahibalo ni Mike Tan nga mabdos ang iyang asawa nga si Cris.   Gikatahong lima ka buwan na nga nagsabak ang asawa sa aktor. Excited na kaayo si Mike nga makakita sa una niya nga liwat.

Lotlot engaged na!

Engaged na ang aktres nga si Lotlot de Leon sa iyang Lebanese boyfriend nga si Fadi El Soury. Nahitabo ang proposal sa  Nature Wellness Village sa Tagaytay niadtong Domingo. Nakugang pag-ayo si Lotlot sa dihang  niduol og kalit kaniya ang waiter  ug nagdala og plato  nga dunay suwat nga “Marry Me!”

Prayoridad ang pamilya

Gimingaw na ang TGIS actress  nga si  Aiza Marquez sa pag-arte atubangan sa kamera. Nasayran nga niundang siya sa showbiz  human siya nakabaton og kaugalingong pamilya. Kasamtangang nagpuyo si Aiza didto sa New York.

Dako og tsansa

Gibutyag ni Pia Wurtzbach nga  napanglantawan niya nga makadaog si Catriona Gray sa Miss Universe pageant karong tuiga.“She’s a very well-rounded person, sobrang ganda, matangkad, proud to be Filipino. I mean, what more could you ask for?”

Excited kang Vice

Dili gyud malilong ni  Bela Padilla ang iyang kahinam nga malakip sa pelikula ni Vice Ganda sa Metro Manila Film Festival 2018 nga  Fantastica.  Dakong garbo alang kaniya nga makauban si Vice sa usa ka pelikula. “Ako na-excite ako. Kasi first time ko gagawa ng pure comedy film and every year na ako nanonood ng entries ni Vice so I’m happy,” suma pa ni  Bela.

Nastar struck

Wala kapamilok si  Pauleen Luna sa dihang nakakita siya sa personal nila ni Prince William ug Kate Middleton atol sa Wimbledon 2018 tennis tournament.  Gawas sa maong mga personalidad, nakakita usab siya sa mga sikat kaayo nga aktor nga sila si Tom Hiddleston, Eddie Redmayne, Hugh Grant,  ug Benedict Cumberbach.