Nagpasalamat sa higala

Nag-post sa Instagram si Kris Aquino sa iyang pasalamat ngadto sa abugadong higala nga si Atty. Gideon Peña sa maayong batasan nga gipakita niini ngadto kaniya sukad pa kaniadto."This is a much deserved #gratitude post because in a short period of time, he has consistently shown me genuine concern, friendship, respect, & trust,"post pa sa Queen of All Media.

Giidolo si Regine

Gibutyag sa radio jock-TV host nga si Joyce Pring nga usa siya ka solid nga fan ni Regine Velasquez. Si Joyce maoy usa sa makauban ni Regine isip host sa bag-ong reality singing competition sa GMA-7 nga The Clash."Inaamin ko, I am such a big fan of Ms. Regine. Even with the other judges of the show na sila Christian Bautista, Ms. Lani Misalucha and Ms. Ai-Ai delas Alas, favorites ko sila,"sigon pa niini.

Mihimakak sa pasangil

Niulbo ang kaspa sa aktres nga si Sunshine Cruz human siya gipasanginlan nga nanghulga sa usa ka businesswoman nga si Kathelyn Dupaya. Si Kathelyn kinsa gipasanginlan nga adunay dakong utang ngadto sa aktres kay nagpost sa Facebook nga kung mamatay siya ,wala nay laing pasanginlan kun dili ang grupo ni Sunshine. Gihimakak ni Sunshine ang maong pasangil sa negosyante.

"Hwayugi"

Magsugod na karong gabii sa ABS-CBN primetime bida ang bag-ong Korean drama nga 'Hwayugi' nga gibidahan nilang Lee Seung-Gi ug Oh Yeon-seo. Makita ang bag-ong South Korean romantic fantasy inigkahuman sa "Since I Found You" nilang Arci Muñoz ug Piolo Pascual.

Wala ra gyud

Gitataw sa Kapamilya actor Coco Martin nga wala ra gyu'y malisya ang nikatap nga video sa social media diin makita nga gihagkan niya ang leading lady niya sa teleseryeng Ang Probinsiyano nga si Yassi Pressman. "Ayoko nang palakihin, hindi naman totoo. Siguro natutuwa lang ‘yung mga fans,”niya pa.

Gihuna-huna pa

Huna-hunaon una matud pa sa hashtag member nga si Zeus Collins kung modawat ba siya og daring scenes sa usa ka pelikula. Lakip karon si Zeus sa comedy film nga Wander Bra diin makapares niya si Cacai Bautista. “Siguro depende, eh. Baka mamaya yung istorya nung movie parang medyo sobrang sexy, siguro aano ako do’n. Pero kung ganito na comedy, okey lang siguro,"sigon pa sa aktor.

Joyce migradwar na

Nigradwar na sa kolehiyo ang Kapuso star Joyce Ching sa kursong Bachelor of Arts in Film sa Meridian International College of Business and Arts. Gibutyag niini nga sakto sab nga nigradwar na siya kay gitawagan siya sa iyang manager para sa upcoming project.

Nakalugwa sa GMA

Gipaambit sa komedyanteng si Vice Ganda nga una siyang nilugwa sa teleserye sa GMA-7 nga Saang Sulok ng Langit (2005) nga gibidahan ni Maxene Magalona. “Hindi, ang galing naman kasi talaga ng Channel 7 noon. At saka, diyan ako nagsimula, e. Kahit nga GMA di nila naalala na galing ako doon. Hahaha!,"paambit pa ni Vice.

Mibakasyon sa Dubai

Gipaambit sa Since I Found You star Arci Munoz pinaagi sa Instagram ang iyang nindot nga kasinatian samtang nag-skydiving atol sa iyang bakasyon didto sa Dubai. “Live for the moments you can't put into words. Thank you soo much for ze Aaaaahhhhmazing experience,” caption pa sa aktres sa gi-upload niini nga video.

"Me time"

Mitambag ang aktres nga si Ciara Sotto ngadto sa mga ginikanan nga mohatag og "me time" o oras para sa kaugalingon panagsa aron maka-relax gikan sa trabaho sa balay. "Siyempre hindi naman perfect lahat ng moms di ba so important din na ang nanay would go out with her friends. Kailangan merong time ka rin para sa sarili mo so you can re-energize," asoy pa sa aktres.