In....Ingon Niana Pag-amping kanunay
CEBU, Philippines — Mga suki sa Banat News, tataw nga panahon na gyud sa ting-ulan, busa kanunay gyud ta nga andam ang atong kaugalingon.
Kanunay gyud nga mag-amping kay dili lalim masakit. Puwes, ania ang simple tips alang kaninyong tanan.
• Dili balewaon ang madunggan nimo nga weather update sa Philippine Atmospheric Geophysical and Astronomical Services Administration. Kini maoy mahimong basehan sa pag-andam sa imong kaugalingon.
• Importante ang payong. Bahalag dili ting-ulan, kanunay gyud ka magdala niini gumikan kay dili matag-an ang dagan sa panahon. Pananglitan duna kay kaugalingong motor, dili kalimtan ang pagsul-ob og rain coat.
• Kanunay moinom og tubig.
• Likayan ang mga pagkaon o mga ilimnon nga naa sa kilid-kilid. Basin makontaminado ang mga ilimnon tungod sa tubig sa uwan.
• Kon duna’y open container sa inyong panimalay, kinahanglan nga tabunan o iyabo kini aron dili kini puy-an sa mga lamok. Pipila sa mga lugar nga mahimong mapunduhan og tubig mao ang mga flower pots, kanal ug uban pa.
• Kon dunay mga baha, ayaw gyud og labang ilabi na kon duna kay samad. Grabe ang kagaw niini.
• Kaon og prutas ug utanon. Makatabang kini sa pagpalig-on sa inyong resistensiya.
• Ayaw na lang og rampa, kon dili importante ang imong lakaw. Pagpuyo sa inyo aron maseguro nga malayo ka sa sakit.
- Latest