Normal ra gyud

CEBU, Philippines – Dugay nga nakahibalo si Kat Ramnani nga usa ka sikat nga singer dinhi sa nasud ang iyang  umaabot nga bana nga si Christian Bautista. Tsika pa ni Kat nga wala gyud siya’y kalibutan nga ilado kini bisan og manag-uyab na silang duha. “I had been living in California, so I had no idea who he was. When we were introduced, I was told he was a singer. So I thought, he's an up-and-coming singer”, suma pa ni Kat.

Gituman ni Coco

Dako ang pasalamat ni Jolo Revilla ngadto kang Coco Martin tungod kay gituman gyud niini ang gipanaad niadtong nagsugat sila sa airport nga ipalakip gyud siya  sa primetime series nga “FPJ’s Ang Probinsyano”. “Nagkita lang kami ni Coco last year sa airport. Na-delay siya nang matagal tapos dumating ako. Usap kami do’n, sabi ko, ‘Puwedeng sama mo naman ako diyan. Sabi niya, ‘Oo naman, ikaw pa?’ Sinabi niya sa akin na basta hahanapan niya ako ng role. Hindi rin daw ako puwedeng lalabas na masama. Tapos tinawagan na ako. Nag-taping na ako,” asoy pa ni Jolo.

Mihalok na sab

Sa ikaduhang higayon, mohalok na sab si Iza Calzado og usa ka babaye sa usa ka pelikula nga iyang langkuban nga nag-ulohan og “Distance”. Nalakip ang maong pelikula sa  opisyal nga entry sa ika-14 nga edisyon sa Cinemalaya nga mahitabo karong Agosto 3 - 12.

Puros mga tarong

Mapasalamaton si Vina Morales gumikan kay komportable ra kaayo siya sa seryeng  “Araw Gabi”.  Matud pa ni Vina nga wala’y nahitabong kompetisyon sa pag-arte nga nahitabo ug hapsay ra ang dagan sa ilang mga taping tungod sa ka propesyonal sa mga kauban niya nga artista.“Wala kaming nagiging problema sa set. Wala namang pa-diva sa amin thank God”, suma pa ni Vina.

Propesyonal sa trabaho

Giangkon sa Aegis sisters nga sila si Kris, Juliet, ug Mercy Sunot nga bisan og dili maayo ang ilang panagtagad sa personal, gipaniguro nila nga dili gyud  maapektuhan ang ilang performance sa higayon nga aduna silay gig.

Action star na

Gikalipay pag-ayo ni Will Devaughn nga mahitabo na gyud ang iyang dugay ra nga gipangandoy nga mahimong usa ka action star. Sa pelikula nga “Kontradiksyon,” matud pa ni Will nga ipakita niya ang iyang abilidad sa martial arts .

Kim gikilig

Gikilig pag-ayo si Kim Chui sa dihang gituman sa International star nga si Shawn Mendes ang iyang request nga kanta nga “Treat You Better”. Miapil si Kim sa Instagram live ni Shawn sa miaging adlaw.

Gipalipay ang fan

Gituman ni Alden Richards ang bugtong pangandoy sa iyang fan nga si Angelica nga makita siya sa personal. Si Angelica kinsa naghambin og  sakit   nakakita og inspirasyon sa Pambansang Bae aron dili tantong maguol sa gibati nga sakit. Mapasalamaton si Angelica sa programa Kapuso Mo, Jessica Soho tungod sa pagtuman sa iyang hangyo nga makita ang iyang giidolo.