Joke ra diay

Naaksyon og kabalaka ang fans sa Kapamilya actress Liza Soberano human nag-post ilang idolo og ultrasound image sa Instagram story niini. Apan dali ra sab kining giklaro sa "Darna" actress nga gi-post ra niya kini para sa kalingawan ug dili niya gipanag-iya ang maong ultrasound result.  Si Liza kay bida sa seryeng Bagani sa ABS-CBN ug gidungog kini nga adunay relasyon ngadto sa loveteam nga si Enrique Gil.

Lawas maoy milawig

Nasayod matod pa ang singer nga si Rita Daniela sa kamatuoran nga mas nabatyagan sa iyang fans ang iyang lawas kaysa sa iyang talento sa pagkanta. Si Rita ang nahimong grand champion sa Popstar Kids sa QTV 11. "Well, I am aware na siyempre, yun ang aura ko. I'm aware of that,"paambit pa niya.

Nakabalik na gyud

Niadtong 2016 pa ang katapusang pelikula nga nasinati ni Alex Gonzaga busa  pwerting lipaya niya nga siya ang gihimong bida sa pelikula nga “Nakalimutan Ko Na” nga gi-produce sa Wilbros Films ug ubos sa direksyon sa former Pinoy Big Brother housemate Fifth Solomon. Wala hinuon gibutyag sa aktres kung kinsa nga mga artista ang makauban niya sa maong proyekto.

Present sa selebrasyon

Bisan pa man sa kapuno sa iyang schedule, wala gyud sipyata sa Kapamilya star Nadine Lustre ang pagtungha sa silver wedding anniversary sa iyang ginikanan. Nakit-an sab nga nilugwa niadtong higayona  ang uyab ni Nadine nga si James Reid.

Gidayeg si Marian

Gidayeg sa vlogger-model nga si  LA Aguinaldo ang Kapuso Primetime Queen nga si Marian Rivera tungod sa pagkamatinud-anon niini. "I know [she's the] Primetime Queen, but what's more alluring is she's genuine! Alam mo yung totoo siyang tao," sigon pa ni LA.

Natuman gyud

Giisip nga dream come true alang kang 2015 Miss Universe Pia Wurtzbach ang panagkita nila sa iyang idolo nga K-pop artist nga si Siwon Choi  atol sa nahitabong concert sa grupong Super Junior didto sa Mall of Asia Arena. Tulo na ka tuig ang nilabay sa dihang unang nagkita ang duha sa usa ka show. "Finally! A true fan girl moment for me!"caption pa ni Pia sa ilang hulagway ni Siwon.

Na-stress sa preparasyon

Gibutyag sa singer nga si Christian Bautista nga na-stress matod pa siya sa pagpangandam sa umaabot nilang kasal sa fiancée nga si Kat Ramnani. “No one told me na magiging ganito pala ka-stressful ang lahat. Parang never-ending ang lahat. Yung tipong padagdag nang padagdag," paambit pa niini.

Asa puniton?

Wala pa’y ideya si Eugene Dominggo kung unsa ang iyang follow-up project sa GMA-7 human gitangtang ang show niya nga  Celebrity Bluff.  Gidungog usab nga wagtangon sa dili madugay ang laing show ni Eugene nga Dear Uge.

Reaksyon ni AiAi

Nipadayag sa iyang opinyon ang komedyanteng si AiAi delas Alas kalabot sa pagtawag ni presidente Rodrigo Duterte sa Ginoo og "stupid". "Kasi Papal awardee ako, and du'n sa Papal award ko, meron du'n na nangako ako kay Lord na I should defend the Church in any cause. Respetuhin natin 'yung mga religion ng bawat isa," asoy pa sa komedyanteng aktres.

Mikulit og kasaysayan

Nag-trending karon sa social media ang tubag sa grand winner sa Miss Q & A sa It's Showtime nga si Juliana Parizcova Segovia. Daghan ang nakauyon sa tubag ni Juliana sa final question nga kung unsa alang kaniya ang pinakalisod nga pangutana. Sentro sa iyang tubag mao ang kahadlok niya nga mawala sa iyang inahan.