Jillian mas gusto ang mas may edad!
Parang kailan lang ay child star pa lang si Jillian Ward, all of a sudden ay nagdadalaga na ito right before our very eyes. Payag na rin siyang magkaroon ng loveteam dahil sabi niya, bahagi ito ng trabaho niya (at feeling niya dalaga na siya?) At isa sa pinupuntirya niyang makapareha ay si Alden Richards. (‘di siya takot sa AlDub fanatics?)
Kung siya ang masusunod, ayaw niya ng bagets o kaedad na partner, mas gusto niya ng mas senior. Any taker?
Kristoffer ‘di pinayagang gumawa ng kabadingan
Sayang dahil hindi pinayagan si Kristoffer Martin, isa sa mga kabataang maipagkakapuri ng GMA dahil bukod sa magaling itong umarte ay may talento pa rin sa musika dahil kumakanta at tumutugtog ito ng gitara, na gawin ang indie film na School Service. Tatampukan ito ni AiAi delas Alas at Joel Lamangan bilang artista. Tinanggihan ng Kapuso Network ang alok para kay Kristoffer dahil sa napakarami nitong mga maseselan at daring scenes katambal ang isa pa ring lalaki.
Si Louie Ignacio ang direktor ng pelikula at malaki ang panghihinayang na hindi magagawa ni Kristoffer ang movie dahil sigurado siyang mag-aakyat ito ng milya-milya sa kasikatan ng Kapuso actor.
Kris mabilis na nakaipon sa ‘pagkain’
Kung ang dating Kapamilya na si Kris Aquino ay pinag-uusapan, pinupuri, bina-bash and at the same time ay nilalait din, talk of the town din ang isa pang Kris, ang Kapusong si Kris Bernal dahil nakabili ito ng bahay, hindi dito, kundi sa USA.
Actually ang kapatid niyang nurse na two years nang nagwo-work dun ang nakakita ng bahay na may apat na kuwarto at isang attic. Sa piso ay nagkakahalaga ito ng P30M na iniyakan ng husto ni Kris nang una niyang masilayan. Bunga kasi ito ng maraming taong pagtatrabaho niya. Bukod sa kanyang pag-aartista, mahilig ding magnegosyo ang Kapuso actress ng may kinalaman sa pagkain kaya mabilis siyang nakaipon.
- Latest