Beauty mobalhin sa GMA?

CEBU, Philippines – Niulbo karon ang mga pagduda nga matud pa mobalhin  sa GMA-7 ang Kapamilya star nga si Beauty Gonzales.

Duna’y nasagap nga taho ang PEP.ph  nga matud pa  nga nasigpatan ang aktres sa  GMA  sa miaging adlaw.

Uban matud pa ni Beauty niadtong higayona ang iyang  manager nga si Arnold Vegafria  ug nakigtigom kini sa mga kadagkoan sa GMA-7.

Kahinumduman nga produkto si Beauty sa reality show  sa ABS-CBN nga Pinoy Big Brother: Teen Edition Plus niadtong  2008.

Pipila sa iyang mga serye kaniadto naglangkob sa  Iisa Pa Lamang (2008), Tayong Dalawa (2009), Precious Hearts Romances: Alyna (2010), Mula sa Puso (2011), Angelito: Batang Ama (2011), Angelito: Bagong Yugto (2012), ug  Moon of Desire (2014).

Katapusang show    niya sa ABS-CBN  mao ang afternoon series nga   Pusong Ligaw nga nahuman niadtong  January 2018.