Nauyonan ang pilot week

Yuri: Hello mga KaBanatanay. I am so excited para sa atong BANATanay Live na Live kay kaluy-an sa Ginoo manukad kita sa usa sa mga nindot nga isla dinhi sa  Province of Cebu ug nahimong usa sa mga location sa Inday Will Always Love You, ang Santa Fe, Bantayan Island. Dili usab ko mahibong nga taas kaayo ang rating sa maong teleserye kay gipakita niini ang kanindot sa Cebu. Labaw sa tanan, nindot ang istorya, nakuha niya ang kiliti sa masa. Tinuod gyud diay noh?Mo- matter gyud ang story sa usa ka teleserye  bisag kinsa pa ang mga artista,  pasok sa banga or daghan gyud tang mga bisaya kay best in support  ang atong mugna basta magpakita na sa kanindot sa atong lugar. Apan bisan pa man sa kataas sa rating , ang pangutana ma-sustain ba nila ang istorya kay basin maayo lang sa sinugdanan.

Sanden:  Suma pa sa Nielsen Philippines TAM’s National Urban Philippines data sa AGB, ang maong serye nakalangkat og 42% nga rating sa pilot episode niini niadtong May 21. Ang maong serye gibidahan nila ni Barbie Forteza, Ricky Davao, Manilyn Reynes, Gladys Reyes, Tina Paner, Juancho Trivino, Super Tekla ug Kim Rodriguez.Ang kaatbang niini nga Since I Found You (ABS-CBN) nga gibidahan nila ni Piolo Pascual ug Arci Munoz, nakakuha lang og 34.8%. Apan mga beshie, wala ta kahibalo sa dagan sa panahon, Piolo na baya ang kaatbang, basin pahinay-hinay pa na apan moarangkada ra na og kalit sa umaabot nga mga adlaw.

Jaypee: Olah mga Kabanatay! Happiest Tuesday! Pak na pak ang Inday Will Always  Love You. Mas nahugyaw ko ani kay gawas nga gikuhaan ang pipila sa mga eksena niini sa isla sa Bantayan, ang akong yutang natawhan, kuha sad kaayo ang kiliti sa mga Pinoy niini. Mao na gyud ni ang serye nga mopatigbabaw sa primetime, murag ma -yabu ang Piolo-Arci ani. Boring man gyud siya  uy. Wala’y chemistry ang duha.Pressure pod ni sa part sa production sa Inday unsaun ni nila pagpalambo pa sa istorya aron  magpadayon ang ilang pagdominar sa ratings.Pero napanglantawan na man ni nako nga magpadayon ang kasikat niini kay gawas nga comedy ang pipila sa scene niini, nagpakita  usab kini sa kinabuhi sa mga ordinaryong Pinoy.

Yuri: Sa IWALY, usa lang ako masulti ipadayun ang ilang istorya nga very interesting, gani sa tinuod lang,very common na kaayo ang istorya niini.  Naay mga  bisdak nga apil sa maong teleserye, parehas ni Tekla ug Manilyn nagdala usab og hugyaw sa istorya. Ang nakanindot ani usab kay ang uban nilang lines kay in Bisaya. Sakto usab ka  beshie Sanden nga dili sila mag party -party  kay layo pa kaayo ang ilang finish line. Mailhan bitaw na nato especially kun kini -ma extend ang airing sa TV. Mao nga sa IWALY Team, panukad gihapon mo ,ayaw tagai og chance nga makalabaw pa ang pikas kay sa atong industriya, makaingon ka at the end of the day mangutana sila " nag-rate ka ba?". Kon wala gani, pwes ang ending kay dali kaayo ka mawala sa ere kay tsugi na ang show.

Sanden: Siyempre modayeg gyud ka dili guwapa nga JP kay naa man sa Bantayan. Pero kon wala pa na diha, sure ko magbuwabuwa na sad na imong baba. Ang resulta sa pilot episode kay dili na mahimong basehan sa kakusog sa show. Nakadayeg ra man sad ko kay naa gyud sa Cebu ang location niini, maka-proud pud ba. Apan kinahanglan nga mabalanse pud sa dagan sa istorya. Manghinaot lang ta nga dili magmika ang dagan sa show. Basta hatagan lang gyud og bug-at nga istorya, payts na kaayo na. Apan kon bati gani ang story, aw, segurado ko nga langawon na.

Jaypee: Ikaw Sanden,  bisag unsaun noh hampaslupa gyud ka ay. Makadayeg gihapon ko sa istorya bisa’g wala pa kini gi -shoot sa Bantayan kay komedya sad ang dating. Buot buot sad ka diha dah. Ikaw na lang gani tingali ang Sugbuanon nga wala mobilib niini. Wa gyud kay taste Sanden bisag unsaon. Sa laing bahin, atangan unya ni nako sa mga umaabot  nga mga adlaw kon unsa nay dagan sa istorya ani labi na gayud sa ratings ani. Pak na pak gyud.