Jameson nagpaliwanag sa pagiging mayabang

Naging magkaibigan sina Janella Salvador at Jameson Blake dahil nagkatambal ang dalawa sa pelikulang So Connected. Ayon sa miyembro ng Hashtags ay madali silang nagkapalagayan ng loob ng dalaga. “She’s really nice and approachable. We can be good friends din. I had no problems working with her. Siguro personality-wise nag-connect kami, tahimik din ‘yon eh. When I started talking to her, I started to bring up topics. Kasi parang I really thought she was easy to talk to,” pagbabahagi ni Jameson.

Nakahanda umano ang binata kung sakaling hindi man tanggapin ng mga tagahanga ng tambalan nina Janella at Elmo Magalona ang kanilang pelikula ng aktres na mapapanood na sa mga sinehan simula sa Miyerkules. “You can’t avoid that there will be some people that will disagree with the team up. I completely understand. They’re just supporting their idols and I’ll just let it be that way, whatever they want to say. That’s opinion so I won’t let it affect me. I can’t control it eh,” paliwanag ni Jameson.

Iginiit din ng baguhang aktor na wala siyang intensyon na buwagin ang tambalan ng ElNella. “I’m not saying that I’m getting her or whatever. But people are saying na ang yabang-yabang ko daw. It’s like I’m sticking my nose in them but to be honest everyone sees that they are an official love team. You can see how close they are and everything. Why do I have to butt in? It’s just for the fans. That’s their opinion so I’m just going to leave them behind. Even if you do the right thing, they can still say a bad thing about you. I’ll be quiet na lang,” paglilinaw ni Jameson.

Mister ni Solenn naghihintay na sa kanilang baby

Magdadalawang taon nang kasal sina Solenn Heussaff at Nico Bolzico kaya napi-pressure na raw ngayon na magkaroon ng anak ang mister ng model-actress. “Siya ‘yung pressured. He told me, ‘Babe, everyone’s asking me na.’ We’re really planning mga next year mabuntis na ako. Reding-ready na ako, actually. That’s (family planning) what we’ve been doing for the last few years,” nakangiting bungad ni Solenn.

Kamakailan ay napabalitang nagdadalang-tao na ang kaibigang si Heart Evangelita kaya masayang-masaya raw si Solenn para sa aktres at asawang si Senator Chiz Escudero. “Si Heart gusto niya talaga. She was planning since last year pa naman. Sana hindi masyadong malayo (agwat) ng mga anak namin. Para at least they can be playmates ‘pag birthday parties. But I also like having the gap with my friends. Kasi ayoko minsan ‘yung mga friends na lahat may baby, ‘yung pinag-uusapan lang sa table puro about babies. Sabi ko may mga ibang bagay sa buhay ‘no. ‘Yung mga babies, ‘pag two hours na with them parang ayoko na,” natatawang pagtatapos ni Solenn.