Labing unang Miss San Remigio, gikoronahan!
CEBU, Philippines – Nag-gilak-gilak nga production number, sizzling hot number atol sa swimsuit competition ug daw sa gibayaw sa langit nga mga dalaga atol sa evening gown competition.
Suma total mao kini ang naglarawan sa labing una ug makasaysayanon nga Miss San Remigio Tourism dili pa lang dugay.
Sa pagsugod pa lamang sa maong kompetisyon, gipakita na sa publiko ang ka-abunda sa turismo sa maong lugar pinaagi sab sa pagpasundayag sa mga kandidata niini.
Nahimung fiery number ang opening prod sa maong indigay nga gi-choreograph ni Reynard Cuizon, usa sa mga nabantog nga choreographer sa amihanang bahin sa Sugbo.
Dakong kalipay sab ang gipaambit sa amahan sa Lungsod sa San Remigio, Mayor Mariano “Mar” Martinez atol sa paghatag niya og fiesta message.
Matod niya panahon na nga mas maila pa ang kaanindot sa San Remigio.
Napulo ka mga dalaga ang nagtigi sa koronang Miss San Remigio Tourism Universe, Miss San Remigio Tourism International ug Miss San Remigio Tourism World.
Sila mao ang nagrepresentar sa mga nagkadaiyang barangay sa San Remigio.
Atol sa maong kagabhion nahimong guest performers ang komedyanteng si Jaya Alcano ug ang igsuon niining bag-o pa lamang nga milugwa sa programang I Can See Your Voice sa ABS-CBN nga si Dave Alcano.
Mas nahugyaw ang tanan sa dihang milugwa na ang Sinulog Idol 2012 grand winner Ronna Jane Lofranco.
Sa pagtapos sa maong kalihokan, gikoronahang Miss San Remigio-Tourism Universe si Maria Fe Loayon nga nag representar sa Brgy. Looc; Miss San Remigio-Tourism International si Cristy Villamor sa Brgy.Kayam ug Miss San Remigio Tourism World si Jonawen Del Rosario nga gikan sa Brgy. Hagnaya.
Nahimong over-all pageant director sa Miss San Remigio Tourism si Kabanatanay Jaypee Lao.
Ang maong indigay sa kaanyag nahitabo sa Municipal Covered Gym sa San Remigio niadtong Miyerkules sa gabii.
- Latest