Kris nagpapa-hard to get na sa Kapamilya!
May Mother’s Day treat si Kris Aquino sa followers niyang mga mother at mga anak, pero ang anak ang magsa-sumbit ng entry sa Mother’s Day tribute nila sa mom nila via Facebook, Instagram at Youtube. Ang mapipiling 16 winners ay makaka-dinner si Kris at tatanggap ng special gift. Mahihirapan mamili si Kris dahil magaganda ang entries sa contest in cooperation with Toblerone.
Samantala, tuluy-tuloy ang shooting ni Kris ng I Love You, Hater na anniversary presentation din ng Star Cinema sa direction ni Giselle Andres. Gusto ni Kris si direk Giselle dahil new director at new ang vision at love rin niya sina Joshua Garcia at Julia Barretto.
“Personally, gusto ko ang dalawa, super professional, they come prepared sa shooting, they know their lines at seryoso sa trabaho. When I was their age, hindi ako ganu’n ka-focus sa work ko. ‘Yung dalawa, after their scene, tsine-check ang monitor at kung hindi sila satisfied, nagre-request ng retake. Ang galing nila.”
Sa tanong kung after ng movie sa Star Cinema ay babalik na siya sa ABS-CBN? “I don’t want to say no baka it will haunt me. It’s just that my calendar for the whole year is already full,” ang sagot ni Kris.
Kasal maraming panggulat!
Wala sa presscon ng Kasal, pero kasama sa cast sina Christopher de Leon as Paulo Avelino’s father at si Cherie Gil as Paulo’s mother. Narito rin si Ricky Davao as Bea Alonzo’s father at si Celeste Legaspi as Bea’s grandmother.
May pasabog ang role ni Ricky na malalaman lang ‘pag pinanood ninyo ang pelikula na showing na simula May 16, sa direction ni Ruel S. Bayani o kaya’y sa mga makakapanood sa premiere night. Bukod dito ay marami raw pasabog sa pelikula, kaya ihanda ang inyong mga puso.
Matitindi rin ang mga eksena nina Bea, Paulo at Derek Ramsay, kaya sulit ang pera at oras niyo sa panonood sa Kasal.
- Latest
