Vicki pinagbigyan ni Mayweather!

Sighted sa Louis Vuitton store sa Greenbelt 4 noong Huwebes ang American boxing superstar na si Floyd Mayweather, Jr.

Nang malaman ng mga Pinoy ang presence ni Floyd, hinintay nila ang paglabas ng boksingero mula sa tindahan para sa photo op.

Ang kaso, tumanggi si Floyd na pagbigyan ang request na photo op.

Isang tao lang ang pinayagan niya na magpalitrato na kasama siya, si Dra. Vicki Belo.

Ito ang sharing in the city ni Vicki tungkol sa chance encounter niya kay Floyd.

 “When I got to GB 4, Floyd Mayweather was already inside the black SUV with a 3 car convoy ready to leave. People waiting outside Louis Vuitton said he refused to have pictures with anyone.

“I stood in front of a black tinted window and signed language if I could take a picture.
To my surprise , he rolled down the window and I took a picture of him. He then said, come here and take a picture with me. Hence, the second picture. So nice of him right? I feel like I’ve won the lotto because of all the people there I was the only one who got a picture. ( PS You’re still number 1 with me Sen. Manny Pacquiao.)

“So here’s the funny part. Because the crowd waiting for Floyd Mayweather wasn’t able to take a photo with him (and I was the only one allowed to take a photo) , they asked to take my photo instead. They ‘re so sweet.”

Nakakaaliw ang kuwento ni Vicki tungkol sa hindi inaasahan na pagpapakuha niya ng litrato na kasama si Mayweather, Jr.

In fairness, celebrity din si Vicki kaya expected na pinagkaguluhan siya ng mga kababayan natin na umasa na magkakaroon ng photo op na kasama si Mayweather,Jr.

Mga Pinoy ang mga miyembro ng The Money Team ni Mayweather, Jr. at malakas ang kutob ko na kilala nila si Vicki kaya sila ang nagsabi sa American boxer na sikat na personalidad din ang babae na sumenyas na magpapalitrato na kasama siya.

Mahirap na ma-ignore si Vicki dahil malakas din ang presence at karisma niya. I’m sure, naloka rin si Mayweather Jr. sa Gucci outfit ni Vicki.

Gladys may pa-acting classes

Kahapon ang presscon ng Inday Will Always Love You at cast member nito si Gladys Reyes.

Sinabi na ni Gladys na hindi sure ang pagdalo niya sa presscon ng coming soon primetime teleserye ng GMA 7 dahil may important appointment siya sa French embassy.

Ilang beses nang na-postpone ang pagkuha ni Gladys sa French embassy ng passport ng kanyang mga anak kaya hindi na niya puwedeng ipagpaliban ang appointment kahapon.

Nag-promise si Gladys na hahabol siya sa presscon ng Inday Will Always Love You na walang kasiguraduhan dahil Biyernes kahapon kaya sure na sure ang trapik sa Edsa.

Pero excited si Gladys sa kanyang plano na magturo ng acting sa mga interesado na matuto na umarte.

Tiniyak ni Gladys na matutuloy ang acting classes niya bago matapos ang buwan ng May.

May karapatan si Gladys na magturo ng acting dahil sa dami ng mga karanasan niya bilang aktres. Ang i-share sa lahat ang mga kaalaman niya sa pag-arte ang main reason kaya magkakaroon siya ng  acting workshop na twice a week at very affordable ang “tuition fee.”