Baby face gihapon

CEBU, Philippines — Bisan pa man sa taas na nga panahon, wala gyud malimti sa mga Pinoy ang pangalan ni Barbie Hsu.

Kahinumdoman nga si Barbie maoy nidala sa role nga Shan Cai sa Meteor Garden nga gibidahan sa F4 nga gilangkoban nila ni Jerry Yan, Vic Zhou, Vanness Wu, ug Ken Chu.

Kasamtangang gi-promote karon sa aktres  ang libro niya nga Beauty Queen: Secrets of Beauty Treatment.

Nasayran nga nagpangedaron na karon si Barbie og 41 apan  mura ra og wala matiguwang ang iyang hitsura.

Pipila sa iyang mga beauty secret mao ang pag-inom og lemon juice ug rose tea matag adlaw.

Kinahanglan matud pa nga dunay saktong katulog aron molutaw ang kaanyag sa usa ka tawo.

Ai-Ai mialma sa political jingle

Mialma si  Ai Ai delas Alas sa  gibuhat sa pipila ka mga kandidato sa piniliay sa barangay  nga nimugna og campaign jingle gamit ang awit nga “Hayaan Mo Sila”.

Si Ai Ai ang talent manager sa grupong Ex-Batallion nga maoy nagkanta sa  “Hayaan Mo Sila”.

 Matud pa niya nga kinahanglan gyud unta mananghid isip respeto sa nagkanta sa maong awit.

“We request, in the spirit of integrity and fair play, the concerned individuals to cease and resist from such unauthorized use of the song and its melody. Please be advised that the group reserves its right to avail of the remedies under relevant laws afforded it. Thank you,” suma pa sa Instagram post sa komedyanteng aktres.

Dasig lang

Nagkalig-on og samot ang relasyon nila ni Matteo Guidecilli  ug Sarah Geronimo. Matud pa ni Matteo nga bisan pa man sa nagkalain-lain nila nga pangandoy sa kinabuhi, ilaha gyud nahatagan og igong oras ang ilang relasyon. Una na nga gibutyag sa aktor nga  magkaproblema usahay ang ilang relasyon apan dili gyud sila magpadala niini.

Natulog sa studio

Trending karon sa social media ang video clip nga gikan sa show nga Wowowin kung diin dunay tawo nga  nakatulog sa studio samtang nagprograma si Willie Revillame. Nahugyaw ang publiko gumikan kay giduol kini ni Willie ug gihatagn kini og cellphone , jacket ug  kuwarta. Pagmata sa maong tawo, nasurprisa siya sa presensiya ni Willie sa iyang atubangan.

Saktong panahon

Tsika pa ni Jessy Mendiola nga nangita ra gyud og  tukmang panahon si  Luis Manzano   aron mo-propose kini kaniya. Matud pa sa aktres  nga duna pa sila’y mga prayoridad  karong panahona  busa dili sila angayan  ma-pressure.

Dili basta-basta

Gibutyag ni Jake Zyrus nga dili lalim  kung magsagubang og depresyon ang usa ka artista.  Nag-enjoy matud pa sa ilang mga career ang  artista  apan dili malikayan nga maka-feel sila og pagkulang sa ilang kaugalingon. “‘Pag isang singer o artista, celebrity, pinasukan ng depression, yun ang pinakamahirap,” suma pa sa singer.

Maayong inahan

Mapasalamaton kaayo si  Drew Arellano sa  iyang asawa nga si Iya Villania gumikan kay  dili kini basta-basta moatiman sa ilang anak nga si   Primo.  Kanunay usab kini mopahinumdom sa ilang anak kung unsa ang mga maayong pamatasan.

16B

Si James Reid mismo ang  nagsuwat ug nagmugna sa melodiya sa awit niya  nga  “16B.”   Gibasehan niya kini sa istorya sa suod niya nga higala. Malipayong gipahibalo ni James nga naa sa iTunes ug Spotify ang maong awit.

Nagminyo na

Gikasal na ang kanhi  The Voice of the Philippines Season 2 contestant   nga si Kai Honasan ngadto sa musician nga si Eco del Rio. Nahitabo kini niadtong Domingo sa hapon didto sa Sofitel Philippine Plaza Manila.

Birthday message

Nipadala og  sweet  birthday message si Jason Abalos ngadto sa iyang girlfriend  nga si  Vicki Rushton. “Yon pala puso ko ang makakasagot, Tinuruan mo ako mag mahal baba, pinakita mo sa akin ang totoong pagmamahal.. Hindi ka nagsasawang magmahal. Nakakapit ka pa din kahit anong mangyari,” suma pa ni Jason.

Aksyon og undang

Giangkon ni  Bea Alonzo nga kadaghan na nga higayon nga nakahuna-huna siya nga moundang sa  showbiz tungod sa kakapoy. Apan  mawala ra pud sa iyang hunahuna ang maong plano ilabi na kung maka-relax siya ug nag-enjoy siya sa iyang trabaho.

Time management

Bisan sa ka-busy nila ni Kim Chiu ug Xian Lim sa tagsa-tagsa nila nga career, ilaha gyud ipaneguro nga isulit ang ilang oras sa higayon nga manglaag silang duha. Taod-taod na nga gidungog ang duha nga duna’y relasyon apan pabilin sila nga tak-om.