Gimik ni Sarah

Sanden:  Maayong adlaw nga Martes kaninyong tanan ug ania na usab kita sa laing hugna sa pagsinukliay sa atong mga panahom sa pipila ka showbiz issue. Hello mga beshie ilabi na sa dili kaayo guwapa nga si Jaypee Lao ug ang lumalaban sa raket nga si Tita Yuri. Usa sa gipistahan nga istorya sa mga tsismosa sa miaging adlaw  mao ang paghilak og taman ni Sarah Geronimo sa iyang concert tour sa Las Vegas, Nevada. Lenggua pa ni Sarah nga bisan sa naglawig niya nga career, dili malikayan nga bation usab niya ang kakapoy. Aduna pu’y mga higayon nga ma-feel niya nga duna’y pagkulang ang iyang kaugalingon. “I’ve been asking myself bakit I feel empty. Hindi ‘yung successful na shows o mga hits ang magpapakompleto sa’yo, ang magpapasaya sa’yo bilang isang tao, kundi ‘yung tunay na pagmamahal na hindi nagbabago. At unti-unti ko pong hinahanap kung ano po talaga ‘yung gagawin ko para I will feel fulfilled, hanap ako ng hanap, until now pumapasok pa rin siya sa isip ko,” saysay pa sa singer.

Yuri: Happy Tuesday sa mga KaBANATanay nato all over the world. Pak na pak gyud ning si Sarah G. In the first place, nganong niapil apil man siya’g singing contest? Di ba para makab-ot niya ang iyang damgo sa kinabuhi? Karun nga successful na siya , empty kunohay ang na-feel niya? Kahinampak nga gibati.  Gibati lang gyud siya og kaguwapa. Paghilom Sarah, kon gusto ka mo- rest wala’y daghang cheche bureche.  Kahibaw mi unsay sunod ani nga pattern, di ba naa siya’y umaabot  nga salida?

Jaypee:  Olah mga kabanatay!.  Happiest Tuesday!  Kon unsa ka init sa panahon karon mao sab ka init ang akong ulo tungod sa kamabaw sa pangutok ni Yuri. Di ba Sanden? Si Sarah G nagpakatawo lang sab sama nato. Gipabuhagay ra niya ang iyang sentimento nga luyo sa mga nakab-ot niya, magkulang pa gyud. Niabot lang gyud tingali sa punto nga dili na niya kaya ang tanan labi na ang pressure sa iyang pagpanarbaho. Raket diri raket didto.  If I were Sarah, I would definitely take a leave first.

Ikaw sad Yuri noh, abi kay taga Kapamilya ang artista hard na sad kaayo ka. Pareho ka hard sa padding nimo sa imong sampot.

Sanden:  Ikaw sad Jaypee no, sabta na lang gud na si Tita Yuri, kahibalo naman ta daan nga dili na niya feel si Sarah sa una pa.  Ikaw sad Tita Yurs, dili man gyud malikayan nga ma-feel nato ang kakapoy usahay bisan nag-enjoy ka sa imong gibuhat. Tawo rapud baya si Sarah, ug dili sad ko motuo nga gimik na niya. Nakita nato sa video kon unsa siya ka emosyonal. Sa kadugay na sa panahon, ang iyang kinabuhi nagtuyok ra gyud sa paghatag og kalingawan sa mga tawo. Maayo na lang gani, kay naa intawon ang iyang Sugbuanon nga boyfriend nga si Matteo Guidecelli nga maoy tig-comfort kaniya.

Yuri:  Dako na kaayo imong tan-aw sa imong kaugalingon Jaypee ngerz noh? Kon ana ka mabaw imong tan- aw nako , ana ka lawom sad imong atay.  Korek,  tawo lang siya parehas nato, ang nakalahi kay artista/singer man siya, so okey lang nga mo-emote si Sarah G. Na-stress siya siguro kay basin sa sobra ka busy niya nireklamo na iyang BF nga si Matteo .  Basta day Sarah kon kapuy,  pag-beauty rest ayaw nami apil-apila sa imong drama kay gikapoy nako parehas sa suwang anang Jaypee nga kuwang sa turok,  maka-stress.

Jaypee:  Hala noh! Sakay’g eroplano. Na-stress kaba beshie Yuri? Yun ang totoo. Angay gyud tang maapil sa drama ni Sarah G. Kon ugaling drama lang gyud niya kay daghan baya tang nag-idolize niya. Remember, Pop Princess baya.  Basta ako, on my part, naluoy ko niya. Napuno na gyud tingali kaayo ni siya sa tanan -tanan. Kakapoy sa trabaho, pressured sa iyang pagka role model ug ipuno pa nang Mommy Divine niya nga wala kaayo’y support sa iyang lovelife. Paet diba? - Yuri, Jaypee