Ellen nanganak na?
Nikisaw karon ang tsismis nga matud pa nanganak na si Ellen Adarna. Mao kini ang resulta sa panaghigugmaay nila ni John Lloyd Cruz. Nagpakahilom pa si Ellen sa maong balita.
Kalma lang
Tsika pa ni Kim Chiu nga dili gyud malikayan ang mga problema. Aron makalma, adunay istilo ang aktres niini, matud pa niya nga molingkod lang ug moginhawa og lawom.
Misulod na
Nagpasalamat si Ryza Cenon sa viewers sa seryeng Ang Probinsyano nga nihangop sa pagsulod niya sa maong show niadtong Huwebes. Si Ryza maoy nidala sa karakter ni Aubrey nga matud pa duna’y dakong papel sa umaabot nga mga eksena sa maong serye.
Glydel nailad
Nabiktima matud pa sa usa ka online company ang aktres nga si Glydel Mercado. Suma pa sa Facebook post sa aktres, nga upat ka buwan na ang nilabay human niya gibayran ang projector nga iyang gi-order. Apan hangtud karon, wala pa gyud niya nadawat ang item.
Nag-agi og depresyon
Gibutyag sa singer nga si Jed Madela nga dili siya ang klase sa tawo nga kusog mo-share sa mga problema hinungdan nga makabaton gyud siya usahay og depresyon. Hinuon gihinay-hinay na niya og adjust ang iyang kaugalingon aron dili siya maapektohan.
Gipasidunggan
Nakadawat ang ABS-CBN ug GMA-7 og mga pasidungog sa 2018 Reader’s Digest Trusted Brand Awards.Nahitabo kini niadtong Huwebes sa gabii didto sa Pasig.
Nahadlok sa sagpa
Mapasalamaton si Paolo Ballesteros gumikan kay wala sila’y sinagpaay nga eksena ni Maricel Soriano sa pelikulang My 2 Mommies. "Buti na lang. 'Pag sampalin niya iwas ako'ng ganon," suma pa ni Paolo.
Andam mag-ninang
Andam si Kris Aquino nga mahimong ninang nila ni Angel Locsin ug Neil Arce kun makahukom ang duha nga magpakasal. Nasayran nga usa si Angel sa mga suod nga higala ni Kris sa showbiz.
Naglinya ang mga concert
Nakalinya ang mga concert dinhi sa nasud karong tuiga sa sikat kaayo nga international stars. Sa umaabot nga mga buwan, mag-concert sa Pilipinas sila si Harry Styles, Niall Horan Bruno Mars, ug Mariah Carey. Nasayran nga mahiligon kaayo og concert ang mga Pinoy.
Sikat gihapon
Bisan sa kadaghang artista nga nanglugwa karong panahona, pabilin nga nagsidlak-sidlak ang career ni Shaina Magdayao. Suma pa ni Shaina nga dili kaayo siya pilian og role sa iyang mga proyekto.
- Latest