Tinguha ni Kim

Tsika pa ni Kim Chiu nga dili gyud niya kalimtan ang iyang workout routine bisan og busy siya sa iyang showbiz commitments. Matud pa ni Kim nga gitinguha niya nga sakto gyud kanunay ang hulma sa iyang lawas aron padayon gihapon siya nga makasalmot og mga marathon karong tuiga. Dugang pa sa aktres nga gusto usab niya nga makaangkon ug makatigom og mga medalya. “My goal is to finish mga 15 to mga 21 kilometers and I want to get 15 to 20 duathlon medals”, suma pa ni Kim.

Hanap nga magbalik

Nagpabilin ang  komunikasyon nila ni Vina Morales ug sa iyang kanhi French businessman boyfriend nga si Marc Lambert bisan og usa ka tuig ug tunga na sila nga buwag. Gitataw sab ni Vina nga hanap sab gyud ang posibilidad nga magbalik sila tungod kay wala na silay igo nga oras sa usa'g-usa.

Prinsesa ang role

Gikumpirmar ni Kris Aquino nga prinsesa ang iyang role sa pelikula nga Crazy Rich Asians. Gikatakda na karong Agosto 17 ang pagpasalida sa maong pelikula sa nagkadaiyang dapit sa Asya.

Dunay relasyon?

Miulbo ang hungihong nga matud pa nga adunay relasyon sila si Juliana Gomez ug Marco Gallo. Nagsugod ang maong hungihong sa dihang mipadangat og tam-is nga mensahe ang aktor ngadto kang Juliana pinaagi sa usa ka Instagram post nga adunay hulagway nilang duha. "There's no explanation to love”, kapsyon pa ni Marco.

Nakat-onan ni K

Adunay dakong pagtulun-an ang mensahe nga gipaambit ni K Brosas gikan sa iyang kasinatian sa  kanhi niya karelasyon. “Dapat pala hindi minamadali. Kasi siguro dahil it’s been 12 years. Alam niyo naman po yan. Ngayon lang siguro nabigyan ng atensyon na ganun. Masyado akong natuwa nung umpisa. Non pala after a while, hindi ko siya sinisiraan ha, hindi din pala maganda”, suma pa ni K.

Gidasig sa Uyab

Gitug-an ni Barbie Imperial dili sayon ang pag-usab sa iyang image karon nga aduna na siya’y pagadad-on nga mature role sa umaabot nga sexy series nga “Araw Gabi”. Matud pa ni Barbie nga naglisod siya og adjust niini tungod kay naanad siya sa mga pabebe lang nga mga role. Dugang pa ni Barbie nga ang iyang uyab nga si Paul Salas maoy usa sa nagdasig kaniya nga modawat sa maong proyekto.

Nagpatagad na Pud

Nakakuha na sab karon og atensyon gikan sa netizens ang kontrobersyal nga online personality nga si Xian Gaza tungod kay nanghagad na sab siya ngadto sa Cosplayer nga si Myrtle Sarrosa nga motan-aw og sine kauban niya. Sa Facebook post ni Xian, mipadangat na sab siya nga aduna sab siyay espesyal nga pagtan-aw ngadto kang Myrtle.

Mas naila ang inahan

Sa farewell press conference alang sa serye nga Hanggang Saan, giangkon ni Arjo Atayde nga mas naila pa niya og husto ang iyang inahan nga si Sylvia Sanchez. “I’m a very observant person. I guess I saw my mom’s talent, kumbaga yung pagiging natural. I saw her versatility. I don’t know, ang hirap explain eh. Mas na-observe ko na. I’m not saying na she’s predictable. Si mom ko kasi ang nagtuturo sa akin ever since I started,” suma pa ni Arjo.

Non-showbiz girl ang gusto

Mas gusto sa aktor nga si Yves Flores nga makabaton og uyab nga walay koneksyon sa showbiz. “Wala akong crush sa showbiz. Mas gusto ko, non-showbiz girl. Mas gusto ko ng tahimik na buhay”, suma pa ni Yves.

Okay ra

Wala ra’y problema si Dimples Romano kun dili man siya ang mahimong bida sa iyang mga proyekto. “So, kahit pa grabe kang magtrabaho, if you feel that this particular position will not be good for you or your family, I also don't want to challenge what the Lord has planned for me. So kung ano ang plano Niya sa akin ay hindi bida, okay lang din 'yon, walang problema 'yon sa akin," suma pa ni Dimples.