Nakapuwesto

Nalandig sa ikaupat nga puwesto ang aktor ug ang triathlete nga si Gerald Anderson sa 25th Subic Bay International Triathlon nga nahitabo sa Subic Bay Freeport niadtong Abril 21-22. Mapasalamaton ang aktor tungod kay nagmalampuson gihapon siya bisan og nagkuwang siya sa tulog ug minus lang sa duha ka semana ang iyang pagpangandam sa maong triathlon.

Wala kauyon sa Grab

Nahasul gyud pag-ayo ang young actress nga si Alexa Ilacad human siya nakasinati sa bati nga serbisyo sa Grab Drivers. Sa iyang Twitter account, gipabuhagay niya iyang kasinatian. "You have such poor service! @grabph All drivers I booked today were unnecessarily mean, rude, & extremely arrogant. Sila pa may ganang manakot at magsalita ng masama? Kami na na hassle, kami pa na suspend ang account? Anong klaseng service yan!", reklamo pa ni Alexa.

Gipabilib ang audience

Gipabilib sa Tawag Ng Tanghalan Kids finalists nga sila si Francis Concepcion, Mackie Empuerto ug Kiefer Sanchez ang kinabag-an sa United Kingdom human nga mi-perform sa awit nga gipasikat ni Beyonce nga “Listen” didto sa entablado sa “Little Big Shots”. Gipatawag sila sa maong show human nga natagad ang ilang kalit-kalit nga performance atol sa ilang pag-guest sa Gandang Gabi Vice. Ang tulo lakip usab sa umaabot nga “Your Face Sounds Familiar”.

Padayon human sa bagyo

Magpadayon pa gihapon ang love team nila ni McCoy de Leon ug Elisse Joson bisan og aduna silay misunderstanding sa usa'g-usa. Matud pa ni McCoy nga tungod sa maong away nilang duha ni Elisse, nakat-on na sila nga hisgutan diretso ang ilang mga butang nga dili tataw alang kanila aron dili pa modako ang problema.

Busy kaayo

Busy gyud karon ang Kapamilya singer nga si Jed Madela tungod kay gisugdan na niya og hikay ang iyang bag-ong  album ug ang concert gumikan kay saulugon  na niya ang iyang ika-15 ka tuig sa showbiz industry. Gawas niana, aduna na sab silay bag-o nga segment ni Morissette Amon sa ASAP nga mao ang “ASAP Versus”.

Crush si Kim

Giangkon ni Ryan Bang atol sa iyang pag-guest sa Gandang Gabi Vice nga aduna siya’y espesyal nga pagtan-aw ngadto kang Kim Chiu. Matud pa niya nga mitubo ang maong pagbati niadtong nagkauban pa sila sa TV series nga “I Dare You”

Nabaid gyud

Gitug-an ni Enzo Pineda nga nilambo na gyud ang iyang acting skills sukad nga nibalhin siya sa ABS-CBN. Matud pa ni Enzo nga dako og natabang ang iyang pagbalhin tungod kay kasagaran sa iyang nakatrabaho sa maong network nitabang sab gyud sa paghulma kaniya .

Giimbitar ni Charlie

Hugyaw gyud ang child star nga si AC Bonifacio tungod kay aduna siya’y exclusive meet-and-greet sa International star nga si Charlie Puth didto sa villa niini sa Los Angeles, California. Mapasalamaton si AC tungod sa kahigayunan nga gi-arrange sa team ni Charlie aron personal sab niya mahimamat ang iyang idol ug makahigayon nga makapaminaw sa album nga ilusad niini karong Mayo 11.

Mensahe ni Cayabyab

Sa pagsaulog ni Regine Velasquez sa iyang adlaw’ng natawhan niadtong Abril 22, lakip na sa mipadangat og greetings ang sikat nga composer ug conductor nga si Ryan Cayabyab. Sa iyang social media account, didto niya gipabuhagay ang iyang mensahe alang sa Asia’s Songbird. “In behalf of our many Filipino songwriters, thank you, Regine, for breathing life to our songs. Thank you for creating magic and painting varied hues and emotions to songs that we have written”, padayag ni Cayabyab.