Alang sa proyekto diay

Daghan na karon ang nakamatikod sa pagpasexy karon ni Jessy Mendiola. Nilenggua ang FHM Philippines Sexiest Woman 2017 nga dili alang sa mga bashers ang iyang pagpa-sexy kundili alang kini sa sunod niya nga proyekto puhon. Kahinumduman nga nasumsuman siya sa bashers kaniadto gumikan sa kalit nga pagdako sa iyang lawas.

Na-awardan kay attitude

Gibutyag ni Dina Bonnevie nga aduna na siya’y naprangkahan nga young actress kaniadto nga dunay attitude problem. Wala gibutyag ni Dina ang pangalan sa aktres apan naglungot-lungot na gyud siya niini tungod kay pahuwaton sa aktres ang ubang artista sa set ug dugay kini moabot. “Sabi ko, ‘We’re going to leave. What did you think, we were born to wait for you? Excuse me, who do you think you are? Sabi ko, ‘Are you somebody? Excuse me. You haven’t made a mark. Have you proven yourself at least in acting? You can’t even cry’’, saysay pa ni Dina.

Grabe ka -busy

Karon nga nakaginhawa na si Heart Evangelista sa iyang showbiz career, naka-pokus karon ang atensyon sa aktres sa iyang passion projects, hobbies, ug personal life.  Gani, aron dili gyud siya mabakantehan og oras, nag-franchise na sab siya og usa ka salon. "Well, I have this, [new business]. I'm working on my exhibit for 2020 or 2019. So, that's mga twenty paintings, we'll see. I'm working on my home line. [I'm] starting collaborations. And then, at the same time, trying to make a baby”, suma pa ni Heart.

Kapamilya gihapon

Gituldukan na ni Sofia Andres ang espekulasyon nga matud pa nga mobalhin siya og laing TV network. Sa iyang Twitter post, gitataw niya nga dili siya mobalhin og nanghinaot siya nga hunungan na ang mga pagpataka og pakatap og mga balita. "It’s not true that I'm gonna transfer network, I'm proud to be a kapamilya.  Have a nice day everybody”, suma pa niya.

Pasado ni Willie

Pasado gyud sa taste ni Willie Revillame si Paolo Contis nga mahimo niya nga co-host sa show nga Wowowin. Gani, gihangyo ni Willie nga makauban kini pagbalik nga mahimong co-host sa grand finals sa Will to Win.

Negosyante na

Gisudlan na sab ni Marian Rivera ang kalibutan sa pagnegosyo gumikan kay niadtong Miyekules lang, gibuksan na niya ang iyang gipanag-iya nga fitness studio nga ‘Saddle Row sa Rockwell. Ingon nga  mao kini ang ikaduhang branch sa maong fitness studio nga unang gitukod sa magazine editor nga si Pam Quiñones kinsa partner ni Marian sa negosyo.

Malipayon alang kang Janella

Malipayon si Elmo Magalona alang sa iyang onscreen partner nga si Janella Salvador kinsa bag-ohay lang nga adunay komunikasyon pagbalik sa amahan niini nga si Juan Miguel Salvador. Malipayon siya nga naninguha si Janella nga makahatag og oras sa iyang amahan.

Gusto og gakos

Gipabutyag ni Ian Veneracion nga mas maayo nga pangayuan siya og gakos sa iyang fans kaysa sa selfie. “I’m okay with that but there are times if I have a choice I definitely would want a hug more than a picture because a picture is for followers nila online. It’s so impersonal and you have to pretend to be happy when you’ve never met this person pero when it’s a hug it’s not for anyone it’s for both of you. And you connect, energetically, physically and you can have a decent conversation”, suma pa ni Ian.

Utang kabubut-on

Mapasalamaton ang dancer nga si Regine Tolentino ngadto sa starmaker nga si Johnny Manahan gumikan kay mao kini ang nagsilbi nga taytayan aron makasulod siya sa showbiz ug maila ang iyang abilidad sa pagsayaw. Matud pa ni Regine nga dako siya og utang kabubut-on ngadto kang Mr. M tungod kay og wala siya matagad niini, wala gyud siya sa iyang posisyon karon sa kinabuhi.