Joshlia movie karong June 13

CEBU, Philippines – Mipirma na og kontrata si Kris Aquino sa Star Cinema  kagahapon sa hapon. Gani, aduna nay nakahan-ay nga mga proyekto alang kaniya kauban ang mga sikat nga artista sa ABS-CBN.

Gibutyag ni  Kris nga una niya nga buhaton mao ang pelikula kauban sila si Joshua Garcia ug Julia Barreto nga ubos sa direksyon ni Giselle Andres kinsa nahimong direktor sa “Loving In Tandem nila ni Maymay Entrata ug Edward Barber.

Matud pa ni Kris nga ang maong movie project  nalakip sa 25th anniversary offering sa Star Cinema. Target sab sa maong pelikula nga mapagawas karong June 13.

Mao kini ang pagbalik niya sa big screen human sa taodtaod niya nga pagpahuway sa pag-arte.