Nadine wala’y batasan?

CEBU, Philippines – Gisumsuman karon ang pangalan ni Nadine Lustre sa  media human mikatap  ang video nga giupload sa usa ka netizen kung diin nagpakita nga nangwakli og kamot ang aktres  sa usa ka babaye nga fan ni James Reid kinsa nakig-selfie sa usa ka bar nga ilang gilaagan sa  miaging gabii.

Ang maong video nakahatag og nagkadaiyang pagsabot sa netizens kun diin adunay miingon nga nagselos, nasuko o protective lang gyud nga girlfriend si Nadine ngadto kang James.

Gani, daghan sab ang nagbugal-bugal sa gibuhat ni Nadine nga miingon nga “wag galitin si Nadine”.

Daghan sab ang wala makauyon sa gipakita nga gibuhat sa aktres tungod kay wala gyud kini batasan nga miatubang sa fans ilabi na sa pagwakli ug gisundan sa  pag-walkout.

Pipila hinoun ka supporters ni Nadine ang nedepensa sa ilang idolo  ug matud pa nga napungot gyud ang aktres gumikan kay wala na kini nalingaw sa ilang laag gumikan sa kadaghan sa nagpa-picture.