Derek nanamilit na sa TV5

CEBU, Philippines — Hingpit na nga nanamilit si Derek Ramsey sa TV5 human sa unom ka tuig nga pagserbisyo niini sa maong  network.

Igo na lamang nga nagpasalamat ang 41 anyos nga aktor sa management sa maong network pinaagi sa  Instagram post.

“Thank you TV5 for 6 great years. Thank you for trusting and believing in me. The projects and memories here will always be cherished. You always made me feel that i am truly family. Wishing you all the best in your new direction for the network. Kidlat signing out for now. Love you all”, suma pa ni  Derek.

 Usa sa mga dakong project ni Derek sa network mao ang “Kidlat” niadtong 2013.

Pipila  sa  iyang mga show kaniadto naglangkob sa  Amazing Race (2012), Undercover (2013), Mac & Chiz (2015), For Love Or Money (2013), ug  Extreme Series: Kaya Mo Ba ‘To?

Nipirma og kontrata ang actor-host sa TV5 niadtong 2012 human sa pito ka tuig  nga pagpasilong sa ABS-CBN.

Pipila sa iyang fans ang nagduda  nga matud pa mobalik ang ilang idolo sa ABS-CBN.