Nagpasalamat kang Angel

CEBU, Philippines — Nagpasalamat si Megastar Sharon Cuneta ngadto ni Angel Locsin tungod sa gipakitang concern sa naulahi sa dihang gioperahan siya sa lipoma sa nilabay nga mga adlaw. “Never kita kakalimutan at paano kita di mamahalin. I love you. Thanks for always making me feel loved. Especially when I need it," sigon pa sa 52 anyos nga aktres.

Tambag ni mama

Gibutyag sa Popstar Royalty Sarah Geronimo nga kanunay siyang pahimangnoan sa iyang inahan nga si Mommy Divine nga ampingan gyud niya iyang talento ug ang  fans niini taliwa sa kasidlak sa iyang karera karon."O, Sarah, alagaan mo yung career mo, yung boses mo. Yung mga supporters mo, huwag mo sila pababayaan," mensahe nga nadawat ni Sarah gikan sa iyang inahan.

Nagmadaogon

Napildi sa bag-ong GMA-7 afternoon show nga Hindi Ko Kayang Iwan Ka nilang Yasmien Kurdi ug Mike Tan ang kaatbang niini sa ABS-CBN nga Hanggang Saan atol sa pilot episode sa nahiuna base sa datos sa AGB rating. Nitala ang Hindi Ko Kayang Iwan Ka og 5.3% samtang ang Hanggang Saan nakaangkon  og 4.9% nga rating.

Nangandam na

Giasoy sa Kapuso comedian Jan Manual nga busy na sila sa pagpangandam sa iyang non-showbiz fianceé nga si Jamey Santiago para sa kasal nila karong Hunyo.Na-engage ang duha niadtong Oktubre 17, 2017.

Dream come true

Tsika pa sa  komedyante nga si  Lovely Abella  nga dugay na niyang pangandoy nga mahimong cover girl sa FHM Philippines busa mapasalamaton siya nga natuman gyud kini karong tuiga. "Pangarap ko talaga ang mag-FHM. Before pa, kapag nagpapa-train ako, palagi kong sinasabi sa trainer ko na, 'Coach, kasi mag-e-FHM ako," paambit pa sa kanhi Wowowin host.

Gidayeg ni Robin

Nipadayag sa iyang pagdayeg ang aktor nga si Robin Padilla ngadto sa kaisog nga gipakita sa iyang stunt double kinsa naaksidente atol sa shooting sa gibidahan sa aktor nga teleserye nga Sana Dalawa Ang Puso Ko."Tunay na napakahirap ng buhay ng stuntman. Sila na nasaktan, sila pa ang humingi ng dispensa sa naganap,"sigon pa niini.

Wala nasulod

Napakyas ang Kapamilya singer KZ Tandingan sa tinguha niining malakip sa Singer 2018 grand finals human wala nakakuha og slot atol sa 'Breakout' round sa maong kompetisyon. Kahinumdoman nga natangtang na si KZ sa maong kompetisyon apan nahatagan kini og last chance pero napakyas gihapon. Gikanta sa singer ang Tagalog and Mandarin version sa awit nga Anak ni Freddie Aguilar.

Sexy body

Nipabilib na sab sa iyang mga followers sa social media ang aktres nga si Maja Salvador apan dili kini sa larangan sa acting kun dili tungod sa slim figure niini sa gi-upload nga hulagway atol sa summer vacation didto sa Maldives. Nitala og daghang likes ug shares ang gi-upload nga hulagway sa aktres.

Nakatabang gyud

Giasoy sa Kapamilya young actor nga si Jerome Ponce nga dako kaayo og gikatabang sa pagbaid sa iyang talento sa pag-arte ang gibidahang teleserye niini nga The Good Son kauban nilang Joshua Garcia, McCoy de Leon ug Nash Aguas. "Napakalaking bagay nito sa akin kasi dito nila nakita yung mga kaya ko pang gawin. Kahit ako, hindi ko rin naman iniisip na magagawa ko ang ganun,” sigon pa ni Jerome.

Wala nagdali

Gibutyag sa It's Showtime host Anne Curtis nga wala siya nagdali nga momabdos, bisan pa man nga kasagaran sa iyang mga higala sa It Girls nga silang Isabelle Daza, Georgina Wilson, ug Liz Uy aduna na’y mga  anak na. Gikasal si Anne ug banang si Erwan Heussaff didto sa New Zealand  sa niaging tuig.