Duna’y wildcard

CEBU, Philippines — Gikatakdang mobalik si KZ Tandingan sa  Singer 2018 karong April 6 ug giingong duna kini  tsansa nga malakip sa grand finals  pinaagi sa wildcard bisan pa man nga natagak na kini sa maong kompetisyon. Nagmaya og maayo ang fans ni  KZ sa maong kalamboan.

Dili hilig maghubo

Giklaro sa Kapuso hunk actor nga si Bruno Gabriel nga dili siya hilig maghukas bisan pa man nga daghan ang nakauyon sa iyang lawas atol sa niaging Bench Body fashion show. “I only show my half-naked body para sa pag-endorse ko ng Bench Body. Hindi po ako laging nakahubad. Magkakasakit naman po ako niyan!”tsika pa sa aktori kinsa usa sa mga bida sa  morning serye sa GMA-7 nga Ang Forever Ko’y Ikaw.

Salig ra

Nalakip  si Alden Richards  sa episode karong adlawa sa Lenten special sa Eat Bulaga.   Masaligon ang fans ni Alden  nga lig-on  na kaayo ang ilang idolo kung maghisgot na og drama scene.

Giintriga nga mabdos

Kever lang  si Kim Rodriguez ngadto sa wala’y puas nga pagkatag sa tsismis nga  matud pa nagsabak siya. “Dedma lang kasi hindi naman totoo, di ba? Nakakatawa nga yung mga nagkakalat ng issue kasi yung mga posts ko naman ay more on beach and naka-two piece. May buntis bang naka-two piece?”paghot pa sa sexy aktres.

Wala’y isyu

Giklaro sa award-winning theater actress nga si Joanna Ampil nga wala sila’y isyu sa kanhi manager nga si Girlie Rodis human siya nibiya niini.  “You know, I can never say anything bad about her because we really had such a good relationship. Maayos na maayos ang usap namin,” depensa pa ni Joanna.

Daghan ang ni-audition

Nagbaha matud pa ang namasin  ug ni-audition aron mamahimong leading lady ni JM de Guzman alang sa  upcoming drama series sa ABS-CBN nga Precious Hearts Romances: Araw Gabi. Una na nga gipahibalo sa ABS-CBN nga ang kanhi   Pinoy Big Brother 737 housemate Barbie Imperial maoy nakalangkat sa maong slot. Pipila ka celebrities nga ni-audition mao sila si  Myrtle Sarrosa, Phoebe Walker ug GirlTrends members Kelley Day, Chienna Filomeno ug Dawn Chang.

Summer hair style

Nahugyaw ang publiko  sa bag-ong hairdo sa Kapamilya TV Host/Actress Toni Gonzaga nga haom kaayo panahon sa summer. Ang maong hairdo kay gitawag nga “short layered bob” nga maoy swak  sa tag-init ug mas angayan sa mga babaye nga wala’y igong panahon nga mogahin og dakong oras sa pagmugna og style sa ilang mga buhok.

Natuman na gyud

Gipaambit sa komedyanteng si Rufa Mae Quinto nga dugay nilang gipangandoy sa singer nga si Ogie Alcasid nga magkauban sila sa usa ka proyekto. Ang duha maoy bag-ong nasulod nga karakter sa Saturday sitcom sa ABS-CBN nga Home Sweetie Home.

Wala nakig-kompetensiya

Giklaro sa batan-ong aktor Nash Aguas nga wala siya nakigkompetensiya sa mga kaubanan niya sa seryeng  ‘The Good Son” sa ABS-CBN. ‘ Nasayran nga pipila ka netizens ang mokumpara sa iyang performance  ngadto  sa abilidad  nila ni  Jerome Ponce, McCoy de Leon ug ilabi na gyud si Joshua Garcia.