“Mga Dula Sa Pagtoo”
Happy Sunday mga KaBisChika! Holy week na! Sigurado gyud ko nga aduna kamo’y mga plano kon asa ang bakasyon grande kay mao usab kini ang panahon nga maka-relax. Bisa’g asa pa man mo magbakasyon ang importante nga panahon sa Semana Santa dili lang lingaw-lingaw ang atong buhaton apan apil na niini ang pamalandong. Importante usab kaayo ang pagpamalandong kay makatabang kini sa mga kaguol, makawala sa mga negative vibes, ug sa tanang factor nga makapugong sa imong kalipay! Have Fun and Meditate…
Usa sa akong mga road map to Lenten season kay ang pagsaksi sa unang higayon sa “Mga Dula sa Pagtoo: A Lenten Recollection”. Gilangkuban kini og unom ka mga drama: Kabilin, Sa Imong Lawas ug Dugo, Sila nga Nitaliwan Na, Ringtone, Lukas 10: 41 ug Paklay Para sa Canta Misa.
Ang nakaHugyaw usab niining pasundayag kay matag human sa ilang presentation adunay reflections. Makakuha ka og mga pagtulon-an gikan sa mga pasundayag. Mapasalamaton ko nga gi-invite ko ni mars Ferliza Contratista nga apil sa maong drama. Naa siya sa drama nga Sila nga Nitaliwan Na. Kumpleto rekados ang maong drama, anaa ang mainlove ka, mahadlok, maglagot ug mohilak. Mas naganahan usab ko nagtan-aw kay ang ubang casts (gawas ni Mars Ferliza ), kay akong mga kaila usab nga didto nako nakit-an og balik sa maong dula.
Ang maong pasundayag kay hatod kaninyo sa IL Signore Theater Co. 2021 kauban ang Commission on Social Communication. Written and Directed by Msgr. Ting Ancajas diin tumong nila nga mahibalik ang kadasig ug kaikag sa publiko pagtan-aw og duwa sa teatro dinhi sa Sugbo. Korek! Daghan kaayo ang mga maayong moarte nga mga Sugbuanon para mahibalik ug mas mulambo pa kini dapat kita mismong mga Bisdak mohatag sa atong dakong suporta. Kining mga Mga Dula sa Pagtoo libre kini-- wala’y bayad-- mao nga dad-a na ang tibuok pamilya. Sa mga cast and crew… Congratulations!
Para sa mga gusto motan-aw mao kini ang mga remaining schedule sa ilang pasundayag nga magsugod sa 7:30pm – 10:00pm
March 25 – Love of God Community, Liloan
March 26 – San Isidro Parish, Talamban
March 27 – Remedios Parish, Labangon
March 28 – St. Arnold Janssen Parish, Alumnus
March 29 – Santo Rosario Parish
- Latest
