Bucketlist ni Paolo

CEBU, Philippines — Gipangandoy ni  Paolo Ballesteros nga makatrabaho puhon  ang komedyante nga si Vice Ganda. Matud pa niya bahala og imposible kini nga mahitabo apan hugot ang iyang pagtuo nga mahitabo kini  puhon.

Gipalaw ni iya

Gideritso og tubag ni Iya Villania ang usa ka netizen nga nangutana nganong kanunay nga magbalik-balik ang sul-obon nga sinina sa anak niini nga si Baby Primo. “As long as those clothes are washed and clean, I don’t see what the problem would be. This is a funny concern. Kids grow out of their clothes fast so I like to keep it basic. If you want to buy him clothes then by all means go ahead”, tubag pa niya.

New love

Miulbo karon ang chika nga aduna nay new love ang aktor nga si Raymart Santiago. Ang bag-ong inspirasyon ni  Raymart mao ang usa sa mga ig-agaw ni Senator Loren Legarda nga si AC Legarda. Suma pa sa nigawas nga report, taod-taod na ang relasyon sa duha.

Moments nila ni Paolo

Wala gyud magmahay si Yam Concepcion nga iyang nakapares ug nakatrabaho ang Kapuso star nga si Paolo Ballesteros sa pelikula nga Amnesia Love gumikan kay nailaila kini niya kon unsa kini nga klase nga aktor. Nahimo nilang kalingawan likod sa kamera mao pagkat-on niya sa  pamaagi sa pagmake-up  nga usa sa talento ni Paolo.

Makauban si crush

Gikalipay gyud ni Kisses Delavin nga makauban niya ang iyang crush nga si Donny Pangilinan sa pelikula nga “Walwal”. Una na nga gitug-an sa aktres sa Gandang Gabi Vice nga espesyal ang iyang pagtan-aw ngadto sa aktor.

Espesyal si Angelica

Padayon nga gipakilig ni Carlo Aquino ang fans nila ni Angelica Panganiban. Suma pa sa aktor, espesyal kaayo si Angelica sa iyang kinabuhi. “Ako, espesyal siya para sa akin. Hindi ko alam sa kanya”, suma pa ni Carlo.

“Kasama kang tumanda”

Dili gihapon modirekta og tubag sila si Ronnie Alonte ug Loisa Andalio sa ilang real score apan gipaambit lang nilang duha nga malipayon sila sa ilang posisyon karon sa ilang tagsa-tagsa ka kinabuhi ug wala sila’y problema sa usa’g usa ilabi na sa trabaho. Gikilig og maayo ang ilang fans sa dihang gihalaran ni Ronnie si Loisa sa ilang paboritong kanta nga ang “Kasama Kang Tumanda”. Gipasabot ni Ronnie nga mahinungdanon ang mensahe nga nagpahipi sa kanta. “Kasi sabi ko nga sa kanya, kung tayo na talaga, hanggang dulo na ito,” suma pa ni Ronnie.

Tinudluan ni Albert

Dako gyud ang pasalamat ni Daniel Padilla ngadto kang Albert Martinez gumikan kay daghan kini og mga pagtulun-an nga gitudlo dili lang ngadto kaniya apan sa kadaghanan sa co-stars niya sa La Luna Sangre. “Napaka-hands on na tao na ‘yon. Lalo na sa show namin na ito, hindi pumapayag na basta-basta ang eksena. Kunwari, na feel niya, ‘Ano ang rason ng eksenang ito?’ Malaking tulong ‘yan sa akin kasi lagi ko siyang kasama. Ako rin natututo ako sa kanya. Hindi naman sa lahat ng eksena ay binabaril namin, pero hahanapin mo ang lalim ng eksena. Ano ba ang objective ng eksenang ito’, suma pa ni Daniel.

Sold out

Dream come true alang nila ni Maymay Entrata ug Kisses Delavin ang mahimong sold-out ang ilang mga concert sa miaging semana. Suma pa ni Maymay nga malipayon siya sa nahitabo sa  karera nila ni  Kisses . Nag-uban ang duha kaniadto sa Pinoy Big Brother.

Nagpakatawa

Nahimuot ang kadaghanan sa dihang gi-spoof ni Pia Wurtzbach ang role ni Bea Alonzo isip Basha sa mga salida nila ni John Lloyd Cruz nga “One More Chance”. Si Pia ang bida sa gimugna nga pelikula sa Star Cinema nga “My Perfect You”. Kauban niini ang Kapamilya hunk nga si Gerald Anderson. Komento pa ni Pia nga  angay gyud  atangan ang maong pelikula gumikan kay aduna kini espesyal nga epekto sa tanan.– Preciosa L. Bacalso

Nahulma tungod sa fan

Sa bag-ong album ni Yeng Constantino nga “Synesthesia”, aduna siya’y sinuwat nga kanta nga gikan sa post sa iyang fan tungod kay gi-stalk kini niya.

Matud pa ni Yeng nga nahitabo kini base sa iyang nasaksihan sa dihang nabasa niya ang post sa iyang fan nga “mas mabuti sa akin na sikreto na lang yung nararamdaman ko sa ’yo kasi dun sa sikreto na ‘to at least hindi mo ako mare-reject.”

Nakahilak si Yeng sa dihang natapos niya og basa ang maong gisuwat sa maong fan. Gani, tungod kay nahimo kini niya nga motibasyon sa pagsuwat og kanta, natapos lang kini niya sulod sa 45 ka minutos. Nag-ulohan ang maong kanta og “Tahimik”.