Supportive nga higala

Nagpasalamat ang aktres nga si Julia Barreto ngadto sa iyang higala nga si Liza Soberano gumikan kay mao gyud kini ang usa sa misuporta kaniya sa iyang karera. Matud pa ni Julia nga si Liza ang iyang nailhan nga aktres nga consistent gyud sa pagpakita og suporta kaniya.

Follow-up project dayon

Mapasalamaton ang aktor nga si Richard Gutierrez ngadto sa La Luna Sangre gumikan kay mao kini ang mibuhi sa iyang natulog nga karera. Nagtuo si Richard nga mopahuway na siya pagbalik inigtapos sa maong serye apan padayon pa siya nga manikaysikay sa iyang karera gumikan kay gitanyagan siya og movie project sa Star Cinema .

Makahuwat ra

Tungod kay tulo na ang karakter nga gidala karon ni Erich Gonzales sa serye nga Blood Sisters,giangkon niya nga timeout una siya sa pagpangita og karelasyon. “Makakapaghintay po yan. Saka na po yan, makakapaghintay po ang pag-ibig. Trabaho po muna”, suma pa ni Erich.

Awit alang sa inahan

Nagsuwat og usa ka emosyonal nga kanta ang Kapamilya aktor nga si Marlo Mortel alang sa iyang inahan kinsa naghambin karon og stage 4 breast cancer. Suma pa ni Marlo nga gawas sa iyang inahan, iyaha usab nga gipahinungod ang maong kanta ngadto sa ubang  cancer patients.

Gituman ang saad

Gibahin ni Roselle Naval nga wala gyud mausab ang iyang higala nga si Piolo Pascual gumikan kay gituman  gyud sa aktor ang iyang hangyo nga mokanta sa iyang kasal. “Kasi one time, nag-guest ako sa ASAP. Tapos sabi niya, ‘Roselle, are you married?’ Ako, ‘No, not yet e. Pag nagpakasal ako kanta  ah,’ Tinotoo niya talaga yung promise niya sa ‘kin. Nagpunta talaga siya sa kasal ko”, suma pa ni Roselle.

Mipauli na sa balay

Wala gilimod ni Robin Padilla nga usa sa naghatag niya og kalipay mao ang pagbalik ni Kylie Padilla sa iyang pinuy-anan kauban na si Aljur Abrenica ug baby Alas. Matud pa ni Robin nga gusto gihapon niya nga makauban si Kylie bisan og edaran na kini ug aduna na’y kaugalingong pamilya.

Rebelasyon ni Natalie

Wala’y lipod-lipod sa pagtubag si Sin Island star Natalie Hart ang mga pangutana ni Boy Abunda sa segment nga Fast Talk. Sa dihang gipangutana siya kon aduna pa ba siya’y angayan nga taguan sa  atubangan sa camera ug gitubag niya nga wala na siyay gusto nga taguan ug gusto siya nga ipakita tanan. Dugang pangutana niini kon nakasuway na ba siya nga nangabit ug gitug-an niya nga nakabuhat na siya sa maong butang.

Naka-raket sa Indonesia

Gipahibalo ni kanhi PBB housemate Baninay Bautista pinaagi sa iyang Facebook page nga molugwa siya sa usa ka Indonesian TV show isip usa ka host. Matud pa ni Baninay nga wala niya damha nga malakip siya sa maong show gumikan kay first time usab kini niya nga mamahimong host. Gani, kasamtangan na siya nga nag-shoot karon alang sa maong show.

Mystery guy

Gitug-an ni JM de Guzman nga siya ang “mystery guy” nga nagpadala og buwak ngadto kang Angelica Panganiban sa miaging semana. Dako og pasalamat si JM kang Angelica gumikan kay usa kini sa nagdasig kaniya nga aduna pa siya’y luna sa showbiz. Nasuod ni JM si Angelica gumikan kay nagkauban sila kaniadto sa pelikulang “That Thing Called Tadhana.”

First acting project

Naghinam-hinam na gyud si Donny Pangilinan sa iyang unang acting project . Kini mao ang pelikula nga nag-ulohan og ‘Walwal’ ug ubos kini sa Regal Entertainment. Matud pa ni Donny nga dugay na siya nga nag-ampo nga makabaton og pelikula.