“Cebuana” nanghawod na gyud

CEBU, Philippines — Dako ang pasalamat sa Cebuana nga si Karen Ann Cabrera o mas naila karon isip Karencitta gumikan kay ang iyang awit nga ‘Cebuana’, naglawig na gyud lukop nasud ilabi na dinhi sa Sugbo.

Wala niya damha nga ang maong awit mahimong Top 1 Most Viral Music sa Spotify PH dili pa lang dugay ug nalakip sa Top 10 sa MYX Philippines. Dugang pa nga nalandig kini ngadto sa ika 16 sa Most Trending Video in Youtube PH niadtong Disyembre 4, 2017. Gani, ang maong video nga gipakatap niya sa iyang Facebook page, nakaani og 1 million views sulod lang sa 24 oras human sa iyang pag-upload.

Gisaysay ni Karencitta nga nagsugod gyud ang konsepto sa maong awit tungod sa iyang mga higala nga nagpuyo sa Manila.

“We were talking about dating and women. Not because I’m romantically. into women but I like the process of digging into the psychological aspect of human beings; the way they behave, think and emotionally process. I like analyzing what men like and dislike. It’s good hands-on neuroscience for me. Based on my research, I found out that they are fond of Cebuanas. They said they love Cebuanas. They’re beautiful, good cooks and they just generate wife material”, statement pa niya nga namantala sa  www.karencitta.com.

Ang “Cebuana” , mao kini ang iyang personal nga ginama nga agi usab sa pagsaulog sa kapiyestahan sa Balaang Bata nga si Senyor Santo Niño.

“I wanted to create a song for Cebuanas to chant. In the Cebuano dialect, the word “Sinulog” means “graceful dance.” It’s a January festival and the big parade in Cebu is held the third Sunday of that month. I think the word “grace” encapsulates the word ‘Cebuana’ too”, eksplika pa Karencitta.

Matud pa ni Karencitta nga nahimo niya nga inspirasyon ang iyang yutang natawhan .

Karon nga sa L.A. nakabase si Karencitta, gusto niya nga padayunon ang iyang nasugdan nga mao ang paggama og mga awit nga nag-promote sa Cebuano music.

“I wanted to uplift sa Cebuano music noh. Kung naay Despacito, naay Mi Gente… Naa puy Cebuana. Tagda sad ta diri no’ usahay. Mura’g ang original bisaya music kay I genuine feel na we lack the recognition and respect. In our own country kay madunggan ta sa Manila and the whole Philippines kay sa tinuod lang, ang Bisaya music kay di man baduy. It’s quality music, give us a chance”, pagpasabot niya sa gipahigayong press confefrence sa usa ka mall dinhi sa Sugbo niadtong Biyernes.

Padayon karon  ang paggama og kanta ni  Karencitta. Karong tuiga, angay na nga atangan ang paglusad sa iyang album.

“I am working on my album kay we are so fresh from the pot. Sa akong album, kasagaran sa akong mga incoming songs kay mga upbeat, pop, sayaw-sayaw gyud kay para enjoy gyud ang kinabuhi ba ug gusto sab ko nga mas daghan ang malingaw sa akong music”, suma pa niya.

Karon nga usa ka buwan na nga nigawas ang Cebuana ug misikat na pag-ayo dinhi sa nasud, plano sab nila nga palawigon kini sa internasyonal nga bahin aron mas maila ug daghan pa ang mohangop sa iyang musika.

Human siya madiskubre sa Grammy Award  Winner Producer nga si Jon Ingoldsby nga mao usab ang ni produce sa iyang kanta nga ‘Cebuana, andam na sab siya nga motaak sa dakong kahigayunan sa iyang kinabuhi mao ang pagpirma og kontrata sa usa ka dakong recording outift sa Hollywood.

“I actually am penetrating the international market because I will be signing at the Capital Records. There signed with Dua Lipa, The Beatles, Frank Sinatra, Sam Smith and etc., so it’s in the works and they’re excited”, istorya pa niya.

Mas palabihon usab ni Kerencitta ang mag-promote sa iyang music dinhi gyud sa Sugbo. “Diri ko mo-promote kay I want to uplift original Pinoy music and original bisaya music diri gyud. Roots gud ni nako ug proud kaayo ko mao na mobalik gyud ko. Especially for Sinulog, diri gud ko nagdako sa Cebu mao na magbalik-balik gyud ko”, suma pa niya.