Nagkuwang ka ba sa Vitamin D?

CEBU, Philippines — Ang Vitamin D , usa kini ka fat-soluble vitamin nga naa sa  pipila lang ka mga pagkaon. Ang mga pagkaon nga adunay vitamin D mao kini ang mga mosunod:

isda sama sa tuna

salmon

gatas o soy milk

cereals

orange juice

atay sa baka

cheese

pughak sa itlog o egg yolk

Unsay benepisyo sa Vitamin D sa atong lawas?

Suma pa sa National Institutes of Health nga ang atong mga kabukugan nagkinahanglan niining matang sa bitamina gawas sa calcium. Ang Vitamin D mao kini ang nagpalig-on sa atong mga ngipon.

Mosuporta sab kini sa atong immune system ug nervous system. Gawas niana, makabalanse kini sa insulin sa atong lawas nga makatabang sa paglikay sa diabetes. Gani, makatabang kini sa atong cardiovascular health ug makapakgang kini sa pagtakboy sa hilanat o flu sa atong lawas.

Mao nga samtang sayo pa, kinahanglan nga sutaon daan kon nagkuwang ba kita niining matang sa bitamina pinaagi sa paghibalo niining mga sintomas nga gitala gikan sa www.medicalnewstoday.com:

Dali nga masakit

Kun masamad, dali kini nga impeksyon

Dugay maayo ang mga samad

Fatigue.

Manakit ang mga kabukugan ilabi na sa likod nga bahin sa lawas

Depressed ang mood

Mangalas ang buhok

Kanunay nga gipaningot bisan og bugnaw ang panahon

Dali nga maluya bisan og gamay ra ang gibuhat

Dali nga masakitan

Mas labing maayo nga masuta kini nato aron hapsay ug dili kita maglisod sa atong pagpakabuhi karon nga nagkamahal na ang pamaliton. Mas maayo sab nga ampingan kanunay nato ang atong lawas  aron maayo ang dagan sa atong inadlaw-adlaw nga pagpakabuhi. (BANAT NEWS)