Nanimalos sa young actress
Merry Christmas mga BisChikadora. Bisan og Pasko na, painition gihapon nako ang bugnaw nga hapak sa hangin pinaagi sa mga init nga BisChika. Ania na ang Kinsa Siya??? Mao nga panukad na!
Kinsa Siya kining aktres nga puwerte kamaldita kay maninuod sa mga eksena sa ilang salida??? BisChika pa sa atong Kinsa Siya Insider nga ang aktres basta masakitan sa mga eksena kay mugawas ang pagkamaldita. Usa ka adlaw niana nga sa dihang ang eksena kay magsinagpaay sila sa usa ka young actress nga maoy iyang ka eksena, nakusog ang pagsagpa niini hinungdan nga nasuko ang aktres. Nag -sorry man pud ang young actress sa eksena apan ang mga sunod nga takes, na-hugyaw ang direktor kay sa dihang ang aktres nisagpa sa young actress, kalit kini niya gitinuod, maayo na lang gani kay game ra pud kaayo ang young actress. Hala noh? Hugyaw ra! Mao diay ang usa ka sagpa lang unta nahimong duha?? Kining young aktres, gibisChika nga attitude na daw kaayo mao nga gibuhian na kini sa iyang mother network, best in demanding lang ang drama, ug ang aktres nga mugawas ang pagkamaldita basta masakitan sa eksena, ug best actress siya. Dugang pa sa atong Kinsa Siya Insider nga halos dili na mobasa sa script kay best in memorize na niya ang mga linya.Ang ilang salida no. 1 daw pud karun kay best in extension na kini og maayo.
Samtang sa laing bahin, niadtong adlaw'ng Martes, didto nagbabag ang akong beauty sa Santa Fe , Isla sa Bantayan. Ang yutang natawhan sa not so beautiful nga si Jaypee Lao kung diin siya maoy nagpasiugda sa very first Reina Dela Isla nga nahitabo sa Pantalan, Santa Fe, Cebu. Hugyaw gyud kaayu ang maong kompetisyun alang sa mga sisterette nako. Gisugdan kini sa makabasa nga uwan! yes , giuwan kini sa wala pa nagsugod. Blessings from heaven above. Paghunong sa uwan, bonggang bongga nga opening production number ang mugna sa napulo ka mga kandidata sa Reina dela Isla. Gisundan dayon sa ilang statement shirt segment. Para makasulod ka sa Top 8 ,ang pinakabuak nga portion ang spelling and trivia, hahahaha!sorry sa hinay musuwat ug dili maayo sa spelling kay ma-backdoor gyud imong beauty. Gitapos ang maong show pinaagi sa pagkorona sa tulo ka mga mananaug.
Nahimong labing unang Reina Dela Isla Universe si Markee Yoon-Villacarlos, Reina dela Isla International o kun first runner-up si Bharvie Santillan ug Reina dela Isla World o kun 2nd Runner Up si Anthony Necessario. Congratulations to all winners!
- Latest
