Grand Fiesta Manila 2017; Chitty Chitty Bang Bang mikisaw

CEBU, Philippines — Mabulukon  ug napuno   gyud sa pahiyom ang mga nitan-aw sa latest  musical play nga gidalit sa Resorts World Manila (RWM)  nga nag-ulohan og Chitty Chitty Bang Bang.

Ang RWM maoy nagpaluyo sa Ultimate Entertainment nga nakamugna sa hugyaw kaayo nga musical nga gidagsaan sa mga Pinoy  sa miaging gabii didto  sa  Newport Performing Arts Theater (NPAT) sa RWM.

Nag-ugat kini sa  pelikula niadtong  1968   nga gisundan dayon sa musical  sa London Palladium  niadtong  2002 ug nahimong  longest running show.  Nakabaton usab kini og  UK tour gikan sa  2005 hangtud sa  2008.

Sa maong pasundayag sa RWM,  gimugna  kini sa direktor nga si  Jaime Del Mundo, uban sa iyang assistant director nga si  Menchu Lauchengco-Yulo, artistic director nga si Michael Williams, ug ang  musical score ginama sa  Manila Philharmonic Orchestra ubos sa  baton  ni  Maestro Rodel Colmenar.

Todo  pakpak ang mga tawo   sa mga ngilngig nga eksena  sanglit nga gawas maayo moarte ug mokanta ang mga bitoon niini, nilutaw usab ang ilang abilidad sa pagsayaw  ug dugangan pa sa hugyaw nga   special effect sa entablado.

Dili basta-basta ang Chitty Chitty Bang Bang, gilangkoban  kini sa mga banggiitan sa natad sa dula sa entablado, kini sama sa singer nga si Gian Magdangal   kinsa naka-perform na kaniadto sa The Golden Mickeys and Mickey and the Wondrous Book  didto sa Hong Kong Disney Land.  Naka-perform na usab  si Gian kaniadto sa  Universal Studios sa Osaka, Japan.

Nahimong kabahin kaniadto si Gian sa pipila ka mga show sa GMA-7  ilabi sa mga musical variety show.

Nalakip usab sa Chitty Chitty Bang Bang  ang 12 anyos nga si  Noel Comia, nga kaduha na ka higayon nga nahimong  Best Child Performer  sa Aliw Awards  ug nahimong kabahin kaniadto sa laing musical sa  RWM  The King and Cinderella.

Nibalik usab sa entablado ang bida kaniadto sa Annie  nga si   Isabeli Araneta-Elizaldea kinsa maoy  Discovery of the Year sa  Aliw Awards  sa miaging tuig.

Nilugwa usab sa Chitty Chitty Bang Bang   sila si Mako Alonso, Reb Atadero, James Paolleli, Menchu Lauchengco-Yulo, Raymund Concepcion, Michael Williams ug  Lorenz Martinez.

Istorya  kini sa  paghatag og dakong importansya sa pamilya  ug maayong pag-amuma sa mga bata nga dunay nagkadaiyang imahinasyon sa kinabuhi.

Usa karon ang Chitty Chitty Bang Bang  sa gidumogan kaayo sa mga tawo didto sa Resorts World Manila ug nahimo kining usa sa mga highlight sa Grand Fiesta Manila 2017.

Naandan na gyud sa RWM ang paghatod og mga kalingawan sa katawhan ug mogama og mga espesyal nga presentasyon ilabi na karon nga nagsingabot ang Pasko.

Aktibo kaayo ang RWM sa pag-produce og mga musical play gumikan kay tumong nila nga ipakita ang pang-world class nga  abilidad sa mga Pinoy sa pag-arte sa entablado.

Kahinumduman nga ang RWM  gihapon ang nag-produce kaniadto sa  Bituin Walang Ningning nga gibidahan sa Cebuana singer nga si Monica Cuenco.

Bea ug Aga suwayan

Aduna’y pagabuhaton  nga  pelikula si Direk Paul Soriano ug sila si   Bea Alonzo ug Aga Muhlach ang mga bida niini.

Gihimo na sa miaging adlaw  ang story con sa maong proyekto  ug nagpanikad na si Direk Paul sa maong movie project.

Mao kini ang labing unang higayon nga mag-uban sa proyekto sila si Bea ug Aga.

Katapusang nilugwa si  Aga sa nagmalampusong pelikula sa Star Cinema nga Seven Sundays.

Samtang mao usab kini ang magsilbing sunod nga  project ni  Bea  human sa serye   niya nga A Love To Last sa ABS-CBN. 

Wala makasulod

Napakyas ang pambato sa  Pilipinas nga  si Mariel de Leon  sa paglangkat sa titulo nga  Ms. International 2017 nga gipahigayon kagahapon didto sa Japan.

Kahinumdoman nga ang representante sa Pilipinas  nga si Kylie Verzosa maoy naghupot sa maong korona sa miaging tuig.

Ang  continental queens karong tuiga   naglangkob  nila ni  Nam Seung Woo   sa Korea (Miss International Asia), Daniella Akorfa Awuma sa  Ghana (Miss International Africa),  Carla Patricia Maldonado Simoni sa Bolivia (Miss International America), Ashley Powell sa UK ( Miss International Europe),  ug Michelle Isemonger sa  New Zealand (Miss International Oceania).

Pinoy performers nanghugyaw sa ASEAN leaders

Nahugyaw  gyud ang  Association of Southeast Asian Nations (ASEAN) leaders uban sa ilang  dialogue partners   sa nagkadaiyang  performances sa  Pinoy performers  sa gala dinner  dili pa lang dugay.

Usa sa nidalit og  awit mao ang Asia's Queen of Songs  nga si  Pilita Corrales nga nikanta og  "Ikaw"   ug nakig-jam sa pagkanta mao si  Presidente Rodrigo Duterte   subay sa request ni US President Donald Trump.

Gawas kang Pilita ,  ni-perform usab niadtong higayona sila si  Lani Misalucha, Jed Madela, Darren Espanto, Elha Nympha, Sam Shoaf, ug Jona.

Sipa nga pakpak gikan sa ASEAN leaders ang nadawat  sa Pinoy performers.  

Alisah natagak sa  X Factor -UK

Ang 24 anyos nga Pinay nga si  Alisah Bonaobra maoy natagak kagahapon sa “The X Factor UK.”

Karong semanaha , gikanta sa  mga finalist  ang  mga awit ni George  Michael   ug  giawit ni Alisa ang Praying For Time.

Nagpasalamat si Alisah sa tanang nisuporta kaniya sa pagsalmot niya sa maong kompetisyon.  (BANAT NEWS)