KathNiel fans dili katumpag kang Angel

Sanden: Hello mga kabanatanay! Kumusta naman intawon mo uy, labi na ikaw Tiya Yurs ug Kumareng Jaypee nga feeling guwapa, ibutang ta lang kay bug-at. Ang tsika nga atong saw-an karon mao ang pagka-hugyaw sa kadaghanan sa paglugwa og balik ni Angel Locsin sa pantaserye nila ni Kathryn Bernardo ug Daniel Padilla nga Laluna Sangre. Grabe ang pagmaya sa fans ni Angel uy, kay makit-an na nila og balik ang ilang idolo sa primetime.

Jaypee:  Happiest day mga kabanatay, agay. Olah Sanden nga dili kaayu gifted sa kaanyag. Yeseley, usa ko sa nagmaya sa paglugwa ni Angel Locsin sa La Luna Sangre. For sure nakapadugang gyud sa ratings si Angel.  Apan na- stress lang ko aning ubang mga fans sa KathNiel uy nga grabeh maka bash ni Angel. Nga nganung nag apil apil pa daw si Angel sa serye. Like, excuse me, nganu diay mo uy? Nganong ma- strong man mo? Nganung makig-away man gyud mo mga hampaslupa?Nagkiat lang nang mga dagway ninyo.  Mao nang madaut ang imahe usahay sa ilang idolo tungod ra pod sa  fans nga kun umasta mura na gyu'g maunsa. Nastress ko seriously!.

Yuri: Avisala sa mga beshie's nako Sanden nga wala ko tungaha sa iyang higala nga DJ nga kauban unta nako mag-host sa miaging gabii. Hello usab  kang  Jaypee nga not so beautiful.

Hala noh? Unsa man gyud ning pagbalik ni Angel, nakahatag og kalingawan sa mga manan-away? Well, kon ako si Angel malipay ko kay naa koy trabaho.  Unsaon na lang si Angel na-frozen slight baya ang iyang beauty.  Ang pangutana, si Angel ba ang makatabang sa show???

Sanden: Mao na ang dakong pangutana Tita Yurs nga nagtangag sa premyo nga usa ka sakong bugas nga giluto na daan. Kalabot usab sa fans sa KathNiel nga niisa ang mga kilay sa pag-abot ni Angel, pagpuyo mo uy, pasalamat mo nga naabot si Angel aron mo-rate ang Laluna Sangre. Wala mo'y katungod nga magyawyaw kay pagbuot na sa management, basin gyud diay nga nagtakilid na ang tandem sa KathNiel maong kinahanglan na ang presenya ni Angel. Kun magyawyaw mo, mura gyud mo og mga korek, gusto ninyo, kamo ra gyud ang matuman? Pag-sure mo uy, maglanlan mo og garaba.  Nagyaya lang mo!.

Jaypee: Ang ako lang pod unta ba. Dili nalang ta maghuna-huna kun asa maadto ang credits sa teleserye. Ang importante nga sa paglugwa sa usa ka karakter, mas napahugyaw pa ang istorya niini. Dili ta magbuot uy,  mga fans ra ta ug labaw sa tanan, dili  ta direktor. Dili  ta pataka og react. Kun sa beauty contest pa, 10 percent ra gyud ang audience impact. Maong ayaw og over react.

Yuri:  Pero beshie Sanden naay point pud ning mga fans ni KathNiel kay sa kasikat sa ilang loveteam they don't need an Angel Locsin sa ilang show. Unsa na diay ang nahitabo ni Angel? Nganong wala siya'y follow up project, if sikat imong iyaan? Nalaos na ba siya? Mao nga di nako ma- blame magyawyaw ang KathNeil

Sanden: Ay daah Tita Yurs, OA ra gyud kaayo ang ubang KathNiel fans, makaingon sad ta usahay ba, ayaw mo paglapas sa linya, kun unsay gihatag nga proyekto sa inyong idolo, dapat respetohan ug dili magbuot.. Hoy Tita Yurs, wala na malaos si Angel uy, seguro nahilom siya kadiyot, pero wala gihapon mahupas ang iyang popularidad.

Jaypee: Dah dah dah,  ganahan rako nimo Sanden.  Hoy  Yuri, paghilom na lang diha, wala lang tingali ka kabantay sa ubang proyekto ni Angel. Ang ato lang, padayun na lang ta nga mo -support sa La Luna Sangre kung mahimo na ba gyud kaha ni nga Lobo si Kathryn o kun hangtud sa hangtud na lang ba gyud ni siya mahimo nga Jake Zyrus! Ahw! Buak!.

Yuri: I have two points,   una, mas ma- highlight ang kanhi loveteam ni Richard ug Angel Locsin, nindot sila tan awon sa screen, nitan aw ko’g pinakalit unya nakit an nako ilang eksena, maayo gyud sila nga  pair.  Mura kini og show sa KathNiel ug Angel-Richard, pasabot  dili lang sa ilaha ang maong show. Ikaduha nako nga punto, Yes, magyawyaw gyud ko kun  ako’y KathNiel kay ang istorya matunga na dayun. Pakapinan na lang ko, La Luna Angel na man na! Hahaha.  Hangtud sa sunod Martes mga Kabanatanay, have a great day.

Alang sa inyong mga komento, ipadala lang kana sa 09192422676, ug imantala ang inyong mensahe sa “Akong Banat”  sa Kalandrakas section sa umaabot nga mga adlaw.  Butangi sa inyong pangalan ug address.