Fashionable Friday; Griffins: A Rags To Riches Story

FAST FACTS

Name: GRIFFINS MALAZARTE

Nickname: GMO

Name of Boutique: GMO COLLECTION

Address: Unit 4,5,6 RD bldg.. Acasia St. Cebu City

Birthdate: October 16,1991

Place of Birth: Cebu City

Age: 25

Facebook Page/Facebook Account: GMO Collection

Motto: I can always produce miracles.

Kapin sa pito ka tuig na nga nanimpad si Griffins Malazarte sa kalibutan sa fashion industry.

Sulod sa maong katuigan, ubay ubay na usab nga mga tawo ang midayeg sa iyang linahi nga talento sa mga nagkadaiyang desinyo sa nagkadaiyang biste.

Dili lang dinhi sa Sugbo, lakip na sa mga nagkadaiyang dapit sa Pilipinas niabot  ang iyang mga mugna.

Gani nagmalipayon si Griffins sanglit pipila na sab ka mga inilang personalidad sa nasud ang namugnaan niya og mga nagkadaiyang sapot.

Ug matud niya kini silang tanan natagbaw ug nakauyon gyud sa iyang obra.

Pipila niini mao silang Miss Earth Jamie Herell, Keanna Reeves ug ang nabantog nga senadora nga si Riza Hontiveros.

Matud niya, alang sa usa ka designer, dakong katagbawan ang ilang pagabation sa panahong irampa ang ilang mga sapot nga desinyo sa mga tawong adunay dakong impluwensya sa publiko.

Nagsugod ang tanan sa dihang 18 anyos pa lamang si Griffins.

Apan iyang gihatagan og dakong gibug-aton ang istorya kon giunsa niya pagsugod sa maong industriya.

"My story is from 'Rags to Riches’. I am very much willing and proud to share my life story to anyone. Despite of the disposition that I went through, still I manage to fight and reach my dreams in life,” saysay pa ni Griffins.

Labing dakong hagit kang Griffins niadtong nagsugod pa lamang siya mao ang kakuwang sa pinansiyal nga aspeto.

Duna tuod siyay abilidad sa pagmugna og mga nagkadaiyang desinyo sa mga sapot apan wala siyay igong pundo arun ikasustenir sa pagpalit og mga makina ug tila aron makahimo og daghang mga desinyo.

Apan tungod sa iyang dakong pagpaningkamot ug pangiliya sa Labaw'ng Makagagahom,   naluwas siya sa pagsagubang sa tanang mga pagsuway, ug tuod man naka -establisar na siya sa kaugalingon niyang pangalan karon sa natad sa fashion industry.

Gani bisan pa man sa kalisud, wala maabot sa iyang hunahuna ang pag-undang sa iyang nasugdan ug kining tanan maoy gihimo niyang rason arun mas maningkamot ug mas mapalambo pa ang butang nga iyang nasugdan.

Pagbalik lantaw ni Griffins, nagsugod ang iyang hilig niini sa dihang gihangyo  siya sa iyang pag-umangkong babaye sa pag-desinyo sa gown niini, niadtong panahona, high school student pa siya.

Uban sa tabang sa lola niya nga mananahi ug sa iyang lolo nga master cutter, nakamugna siya og labing una niyang desinyo sa gown ug didto na nagsugod ang tanan.

Laraw karon ni Griffins nga mamahimong ‘brand” ang iyang mga collections ug makapabarog og kaugalingon niyang business empire.

Labaw sa tanan, ang pagyukbo ug paghatag og dakong pasalamat ni Griffins sa iyang mga loyal customers sa wala gayud pagbiya kaniya ug sa dakong pagsalig nga gihatag nila ngadto kaniya.

"My customers are the reflection of my success. Without them, everything is nothing. Mapasalamaton ko og dako sa tanang tawo nga nisalig nako, kay kon dili tungod nila dili mahimong reality ang tanan. Dili man tuod ko sikat ug ingun ana ka ilado apan malipayun ko nga daghan ang nalipay ug nihatag og maanindot nga mga pagdayeg sa akong mga hinimo. Kamo ang akong kusog ug tulay para sa mas dako nakong kaugmaon sa padayun nako nga paghimo og mga sanina."

Q and A

BNH: Unsay dili nimo malimtan nga imong kasinatian isip usa ka designer?

Griffins: Sa dihang nagsugod pa kini nga career. Everything was not easy, I was bullied by friends and classmates during my college days, outdated in fashion, taga bukid, ugly and others. But I never give up, instead I took all this as my inspiration of becoming who I am today.

BNH: Unsay imong mensahe sa young aspiring designers karon?

Griffins: My message for them is to strive hard for their dreams, never give-up and always pray for everything.

BNH: Paghatag og butang nga labing importante alang sa usa ka designer nga di gyud pwedeng mawala kaniya.

Griffins: It’s the sketch pad and pencil mao kini ang gamit kaayo sa usa ka designer aron ma-realize ang among imagination and creativity. (BANAT NEWS)