Nganong gisumbag uy?

BisChika nga Domingo mga KaBisChika! Usa na pud ka Domingo ang atong saw-an sa mga BisChika nga alang lang gyud kaninyo. Sugdan nato karun dayun ang atong Kinsa Siya??? NaHugyaw ko sa akong nabasahan sa facebook sa usa ka sikat nga social influencer mahitungod sa usa usab ka social media talent nganong naabot didto sa usa ka lugar nga wala siya makahibalo. Ang nahitabo man gud kining talent nilugwa sa barangay pero dunay dautang nahitabo kay based sa post kining social media talent mintras garampa kay gisumbag kuno kini. Araaayyyy! Ang nakaHugyaw wala  nakahibalo ang nagbitbit niya didto sa iyang pagka dyog aray princess! Nalooy ko sa maong social media talent kay parehas ra baya nako og dugo berde, nganong manumbag man gyud oi!? Medyo na -HB ko sa nagbitbit sa social media talent nga wala niya kini naprotektahan. Siguro nikuyog ang social media talent sa maong tawhana kay daghan lagi boys didtong lugara.  Na high blood ko naghunahuna kay kining gabitbit sa social media talent daghan na kaayo kong nadunggan nga bad comments sa iyang pagka talent scout? Talent manager? Organizer ug uban pang mga title. Well, iyaha pud nang mugna pero sorry na lang ning tawhana kay dili na siya makausab namong beshie beshie Jaypee Lao! Hahahahhaha! Yes, naa pud mi-experience ning nagdala sa social media talent. Kinsa Siya kining social media talent? Iyang love kay si Mark daw oi!

Sa laing bahin, malampuson ang labing unang  San Roque Parish Church sa Uling, Naga ang “Dagan Para sa Simbahan “niaging Domingo. Gipanguluhan sa akong college classmate sa AB Psychology sa University of Cebu si Reynante Paran isip event organizer. “ Dako kaayo ang akong kalipay, nga bisan sa mubo nga preparasyon nabuhat namo ang tanan, “ BisChika pa ni Reynante.

Mapasalamaton siya nga dunay very hardworking team si Konsehal Reynante sama nilang Mam Chona Boyles, Sir Reynaldo Colegado ug kaubanan. Dako usab ang suporta nga nakuha nila sa PPC President Ms. Jessa Sayloon Dalogdog and officers, Mayor Kristine Chong, LGU Naga, Uling Barangay Captain Justino Dakay, Uling Naga Youth, San Roque Parish Priest nga si Rev. Fr. Rolando Sagnoy nga maoy ni-open sa event pinaagi sa iyang pag-ampo ug pasalamat sa mga nisuporta.

“Proceeds of this event will be used to defray the expenses of the ongoing construction/ renovation of San Roque Parish Church “ hinapos pa ni Rev. Fr. Rolando Sagnoy ang Parish Priest.

Mao kini ang Top 3 Winners sa 3k Category: Champion- Rain Del Carro; 1st Runner Up - Ronald Alvarado; 2nd Runner Up – Harold Sanchez.  Top 3 Winners sa 6k Category:  Champion : Michael Largo;1st Runner Up – Donglas Mwiti; 2nd Runner Up – Ogie Villarin.

Congratulations sa tanang winners ug sa mga nisalmot, nitabang ug nagpakabana.  Mabuhay kamong tanan! Manghinaut ko usa ka adlaw makasimba ko sa San Roque Parish Church sa Uling, Naga.