Making her dreams real

CEBU, Philippines - Ang edukasyon ang mismong pultahan aron makab-ot ang kalampusan. Mao kini ang gibatbat sa 25 anyos nga dalaga nga si Niña Riza Naputo kinsa migradwar sa kursong Bachelor of Science in Nursing sa Cebu Doctors’ University duha ka tuig na ang milabay.

Human sa iyang malampusong pagpaso, usa na siya ka staff nurse sa usa ka clinic dinhi sa Sugbo. Matud pa niya nga mas labing maayo nga dinhi sa atong nataran moalagad aron mas mabatyagan sa mga Sugbuanon nga aduna pa’y nahibiling mga nurse nga andam moserbisyo ug mo-amuma sa mga nanginahanglan.

Sa pagpapakighinabi ni Niña sa Banat News Hugyaw, hugot nga gituohan ni Niña nga “simplicity is the key to happiness” gumikan kay nakita niya nga ang kalipay sa usa ka tawo dili magbase sa mga bongga nga butang. Sanglit ang mga butang nga mugna sa Ginoo mao kadto ang makahatag og kalipay nga way sama ngadto sa matag binuhat.

Giangkon ni Niña nga usa gyud siya sa nahigugma pag-ayo sa kalikupan ilabi na ang dagat gumikan kay usa kini sa  makapawala sa iyang mga kasakit ug kaguol.

 “Lahi ra gyud ang comfort nga imong ma-take from nature”, suma pa niya.

Gani, kun aduna usab siya’y masinati nga problema, igo lang kini niya nga ipaagi sa pagkanta ug pagkatawa. Matud pa niya nga ang tanang mga problema dinhi sa kalibutan lumalabay lamang. Mahibulong na lamang siya nga nakalampus siya atong mga klase sa problema nga sa pagtuo niya dili na siya lung-an.

Dugang paghulagway sa  iyang kaugalingon, matud pa niya nga mas pilion niya nga makigpalibot sa mga tawo nga gusto siya nga makauban.

 “I don’t try to please everybody because I believe that God loves me and that’s more than enough”, saysay pa ni Niña.

Pagpasabot pa ni Niña, dili tanang tawo mahimo nimong suod nga higala. Apan sa kaayo sa Ginoo, imposible usab nga dili makabaton ang tawo og higala nga makasaligan o mahimong makauban sa pagsawo sa kasakit ug kalipay.

   Sa pagsalmot sa Sinulog Idol 2016, dako ang iyang pasalamat ngadto sa Kahitas-an gumikan kay gitagaan pa siya og dugang higala ug pamilya nga mohangop kun kinsa ug unsa siya.

   Matud pa niya nga tumong lang niya nga mahatagan siya og higayon nga mapakita ang iyang talento apan sobra pa ang iyang nadawat nga gasa gikan sa Makagagahum. Dugang pa niya nga tungod sa Sinulog Idol, nakasuway siya nga mahimong guest singer sa mga dagkong events dinhi sa Sugbo.

“I’m very happy and blessed. Unexpected lang gyud kaayo nga mahitabo siya. I only prayed for one thing but thank God, I got more than I deserve. I also want to prove that we cannot get what we want unless we try”, niya pa.

QandA

BNH: Unsa ang imong adbokasiya?

NIÑA:   Usa sa akong mga adbokasiya kay to spread music all over the world because music can change the world and it can change people as well.

BNH: Unsa ang imong kaagi sa kinabuhi nga gipaningkamutan nimo nga dili na nimo masinati pag-usab?

NIÑA: To hurt the ones who love you.

BNH: Unsa ang imong laing paagi sa pag cope-up sa imong mga problema?

NIÑA: Suwayan nako nga mohilom ra ko , control my emotions and talk to them as soon as I feel better.

BNH:  Kinsa ang nagtudlo nimo og kanta?

NIÑA: Ang akong pamilya.

BNH: How was it the first time nga nitungtong ka on stage para mo-perform?

NIÑA: When I was 4 years old. Nervous but it was fulfilling.

BNH: Unsa ang dili nimo malimtan nga experience sa imong pagkanta on stage?

NIÑA: Kuyog si mama nako pirmi para mosuporta nako.

BNH: Unsa ang proudest moment sa imong kinabuhi?

NIÑA: Naka -graduate gyud ko.

BNH: Unsay qualities ang imong gipangita sa usa ka singer?

NIÑA: Versatile ug dili lang mo-settle sa usa ka genre.

BNH: Unsa imong masulti sa mga bag-ong artist/singers these days?

NIÑA: Maayo of course. Nindot kaayo sila mo-deliver sa ilang mga kanta.

BNH: Unsa ang impact nga nahatag sa mga artista sa imong kinabuhi?

NIÑA: I feel better by just listening to their songs.

BNH: Unsa ang imong damgo sa kinabuhi?

NIÑA: To own a meaningful song that will impact other people’s lives or have my own business

BNH: Kinsa ang imong inspirasyon?

NIÑA: Myself and my family.

BNH: Unsa ang benefits nga imong naangkon sa imong pag-apil og singing contest?

NIÑA: Aside sa money, is having the chance to meet new friends/people.

BNH: Kung mahatagan ka og higayon, unsa ang gusto nimo nga maapilan nga kompetisyon puhon?

NIÑA: The Voice ug  Tawag ng Tanghalan.

BNH: Unsa ang imong nakat-unan sa  pag-apil nimo og singing contest?

NIÑA: Dapat on time ug kanunay nga andam before doing something.

BNH: Unsa ang imong future plans?

NIÑA: To study a lot of songs and join the biggest singing competition

BNH: Unsa ang imong memorable experience sa pag-apil sa Sinulog Idol?

NIÑA: Magsige ko og ka sulod sa bottom 3 nga maoy pilian para mataktak. Kulba kaayo. Hehehe

BNH: Unsa ang imong mensahe sa tanang mga tawo nga misalig nimo sa imong pag-apil sa Sinulog Idol?

NIÑA: Salamat sa inyong pagsuporta ug akong gi-awhag ang tanan sa pagsuporta sa uban pang Cebuano artists. (BANAT NEWS)