Vice naglaway sa babaeng hinalikan ni Piolo!; Kim domingo natabunan ni Sinon

SEEN: Alarmang-alarma na ang mga supporter ni Justin Alva dahil sa walong contestants ng Your Face Sounds Familiar Kids, siya na lamang ang hindi nananalo sa ABS-CBN show na magwawakas sa April 9.

SCENE: Kinaiinggitan ang female fan na hinalikan ni Piolo Pascual sa labi nang mag-guest ang aktor sa Gandang Gabi Vice noong Linggo. Nainggit din si Vice na pasimuno sa Can You Top That Challenge na tinanggap ni Piolo.

SEEN: Si Anne Curtis na ang makabago na Toni Rose Gayda dahil sa cute na pagkabulol niya bilang co-host ng It’s Showtime.

SCENE: Guest co-host ng It’s Showtime si Angel Locsin dahil wala sina Vice Ganda at Vhong Navarro. Hindi pa sanay si Angel sa pagbabasa ng spiels niya sa noontime show ng ABS-CBN.

SEEN: April-May cover girls ng People Asia magazine ng Stargate si Dra. Vicki Belo at ang kanyang mga anak, ang half-sisters na sina Cristalle Henares-Pitt at Scarlet Snow Belo.

SCENE: Ang Destined to be Yours Fan Art promo contest para sa fans nina Alden Richards at Maine Mendoza at para sa ikatataas ng ratings ng programa nila. Sinag’s Umbrella at limited edition and Destined to be Yours T-shirts ang mga premyo na matatanggap ng winners.

SEEN: Hindi na maririnig ang boses ni Mr. Fu sa 106.7 Energy FM dahil nagpaalam na siya sa radio program niya. May ibang plano si Mr. Fu para sa kanyang career bilang radio DJ.

SCENE: Starlet na starlet si Kim Domingo sa catwalk showdown nila ni Sinon Loresca sa taping ng summer special ng Bubble Gang sa Pradera Verde Wakepark sa Lubao, Pampanga.

SEEN: Affected much si Carla Abellana sa pagpanaw ng ama ng kanyang boyfriend na si Tom Rodriguez. Hindi na itinatago ni Carla ang pakikipagrelasyon kay Tom.