Earth Hour sa Metro Manila nag-flop?!; Marlon may kamukhang kambal!

SEEN: Nandaya si Andre Paras sa Kantaririt segment kahapon ng Sunday PinaSaya dahil nakita niya sa television monitor ang mga pamagat ng kanta na pinahuhulaan.

SCENE: Bukas ang last taping day ng People vs The Stars, ang Sunday night game show nina Iya Villania at Drew Arellano sa GMA-7. Nag-umpisa na umere ang People vs The Stars noong January 15, 2017.

SEEN: Tumatanggap muli ng mga show ang Idol ng Masa na si April Boy Regino na matagal na nagpahinga sa pagkanta buhat nang lumabo ang kanyang mga mata dahil sa diabetes.

SCENE: Hindi nakatulong sa race car driver na si Marlon Stockinger ang pagiging active sa social media niya dahil naungkat ang kanyang personal na buhay.

SEEN: Kamukhang-kamukha ni Marlon Stockinger ang dalawang kambal na batang babae na diumano’y mga anak na inililihim niya.

SCENE: “Stage parents” sina Michelle Van Eimeren at Ogie Alcasid nang samahan nila kahapon ang anak na si Leila sa guesting nito sa ASAP. Ginamit nina Ogie at Michelle ang mga cellphone camera nila sa documentation ng performance ni Leila.

SEEN: Kasama ni Leila Alcasid sa song number nito sa ASAP ang mga aspiring singer na anak nina Sharon Cuneta at Gary Valenciano, sina Frankie Pangilinan at Kiana Valenciano, respectively.

SCENE: Ang taping ng summer episode ng Bubble Gang cast sa resort sa Pampanga na pag-aari ni Governor Lilia Pineda.

SEEN: Flop ang Earth Hour sa Metro Manila noong Sabado ng gabi dahil hindi nakiisa ang lahat ng mga business establishment.