Duha ang trabaho

CEBU, Philippines - Ang beteranong aktor nga si Ricky Davao ang direktor sa bag-ong serye sa GMA-7 nga Legally Blind. Siya usab ang modala isip amahan ni Janine Guttierez sa maong serye.

Post- celebration

Tsika pa ni Jericho Rosales nga ugma ra  nila saulogon sa iyang asawa nga si  Kim Jones ang Valentine’s day gumikan kay busy sila karong adlawa.  Suma pa ni Echo nga wala sila’y pili nga adlaw sa pagpadayag sa espesyal nila nga pagbati  sa usa'g-usa  .

Mga babaye ni  Elmo

Nakadayeg si Lauren Young kang Janine Guttierez gumikan kay mao kini ang unang nanagad kaniya sa set sa seryeng Legally Blind. Puros  kanhi hinigugma ni Elmo Magalona sila si Lauren ug Janine.

Verbal agreement

Komedya pa ni Liza Soberano nga duna sila’y verbal agreement sa iyang manager nga  si Ogie Diaz nga dili una mosulod og relasyon hangtud  dili siya makatungtong og 23.  Una na nga gipadayag sa iyang manager nga naa ra gyud kang Liza ang final nga hukom.

Big project

Aduna’y umaabot nga big project si Alden Richards sa   GMA Records.  Aduna’y mga nagduda nga himoan na pud og bag-ong album si Alden. Kahinumdoman nga puros nahimong platinum ang nangagi nga mga album ni Alden.

Marketing director

Gawas sa showbiz, busy  usab ang sexy star nga si  Nathalie Hart sa iyang trabaho isip marketing director  sa usa ka  software company .  Suma pa ni Nathalie nga  nalingaw siya sa pag-arte atubangan sa kamera busa maglisod pa siya og biya niini.

Xian ug Coleen magpares

Gikatahong mag-uban sa pelikula sa Star Cinema sila si Xian Lim ug Coleen Garcia.   Ang maong proyekto nag-ulohan og ‘Paradise Island” ug wala pa’y tataw nga detalye kung kanus-a sugdan ang shooting niini.

Paningkamot gyud Gerald!

Aduna’y out -of -town show si Gerald Anderson karong adlawa apan paningkamotan gyud niya nga makabalik dayon sa kaulohan  aron makasaulog sila ni Bea Alonzo  og Valentine’s Day.   Nagpungasi ang feelings nila sa usa'g-usa sukad sila nagbalik.

Regalo malangan

Tsika pa ni Jessy Mendiola nga  sunod adlaw pa niya mahatag ang Valentine’s gift niya kang Luis Manzano. Suma pa sa aktres nga iyaha pa kini nga gi-order  busa  malangan pa ang delivery niini.  Dili una mosaba si Jessy kung unsa ang maong butang. “Basta favorite niya yun,” suma pa sa aktres.