School Attack!
A visala mga KaBisChika! Unsa na man gyud ni? Buwan na sa Pebrero. Parehas lang ba gihapon sa niaging tuig, raket mode sa adlaw sa gugma? Kun mao man gani na okey ra nako kay naanad na ang inyong Mother Butanding! Pero dili ko maguol kay ngano diay matag adlaw lang sa gugma diay naay gugma? Pwede man pud ang usa ka ordinaryong adlaw mahimo kining espesyal, Di ba? Mao nga sa mga loveless diha mag-abot lang ta unya sa Plaza Independecia o sa Fuente Circle kay adto ta mag maoy! Hahahahahha!
Sa laing bahin, niaging semana ang akong drama kay School Attack kay gi-imbitar ko sa usa sa mga dagkong university sa Sugbo para mahimo kitang kabahin sa ilang school activities ug mapasalamaton kaayo ko nga kining mga eskwelahana dunay pagsalig nimo. Usa sa mga ganahan nako nga kun makaapil kita sa kalihukan sa maong eskwelahan, daghan kang makit-an nga potentials o talented nga students nga pwede nimong ma-recommend sa GMA Artist Center. Mas advantage kini nako kay mao kini ang usa sa akong mga raket isip talent scout sa GMA Artist Center
Una nakong gi School Attack ang Advance Institute of Technology nga magsaulog karung tuiga sa ilang ika 21 years nga ang theme kay“ AIT@21: Steadfast and Strong in Forging Competent and Commited Individuals“, ug siyempre nahatagan kita og kahigayon nga mamahimong hurado para sa ilang Mr. and Ms. Teen AIT. Akong gi judge ang ilang Talent showdown diin nagpakita sila sa ilang mga nagkadaiyang talents, tungod kay daghan man sila, dunay nag grupo, trio, duo o solo sa ilang talent presentation. Dapat ang usa ka candidate kay dili lang gwapa o gwapo, dapat adunay talent nga ikabuga. Nakatutok ko sa mga talents nga gipakita sa mga bata kay basin duna koy ma discover, tuod man naa koy nakit-an nga potentials ug gi invite nako sa pag-screening sa taga GMA Talent Center. BisChika pa ni Ms. Golda Ybanez Tan ang school principal sa AIT nga “ para ma-develop ang ilang personality”. Dayon sa mga nilabay nga adlaw nibalik na pud ang akong beauty para sa ilang pre-pageant diin magpili mi nga pasok sa Top 30 nga mo-advance sa coronation night karung February 14. Nibilib ko sa mga candidates kay very confident nga nitubag sa mga pangutana. Mao sa tanang pasok sa Top 30 …GoodLuck ug enjoy the coronation night!
Ikaduha nakong gi School Attack kay ang Cebu Institute of Technology – University kay gi-imbitar ko sa mga AB Communications students headed by Jerry Canasa Jr. para mahimong speaker sa ilang seminar nga ang topic kay “ Art of Hosting and Harvesting Conversation”. Para nako nindot kaayo ang feeling nga imong mapaambit sa mga estudyante ang unsa man ang naa nimo isip host. Basin nagtuo sila ang hosting is an easy thing to do. It takes more practice para ma-develop nimo ang imong hosting skills. Dili ni siya usa ka tulog dayon pagmata nimo kay host na ka. Imong mga challenges nga maagian will make you a better host. Happiness kaayo nga imo silang ma-inspire nga usa ka adlaw niana ang imong gipaambit ilang magamit para makab-ot nila ang ilang mga damgo sa kinabuhi. Usa sa mga hugyaw nga nakita nakong potential si Jay Santiago, siya usab ang host sa maong seminar. Nakita nako ang iyang determination ug willing kaayo nga makat-on. Mao nga study more, practice, pag-host og mga school activities, family activities bisag barangay activities kay kini magpalig-on nimo isip usa ka host. Salamat sa mga naminaw, nangutana, nagpa-ambit usab sa ilang experience. Usa sa mga nakanindot nga matag dunay ko’y kahigayonan nga makapaambit sa talento nga gihatag sa Kahitas-an maka-feel ka og satisfaction sa imong kaugalingon ug maghinaut ka usa ka adlaw niana imo silang makit-an nga hinay hinay nang nailhan sa field nga gusto nila. Kun nagkinahanglan mo sa akong beauty naa rako andam moalagad kaninyo ug mohatag sa Serbisyong Totoo.
- Latest
