Kuya Kim nag-birthday adventure sa Korea

MANILA, Philippines – Ipapakita sa atin ni Kim Atienza na hindi lamang mga Koreanovela at KPop ang mayroon sa Korea sa pagdiriwang ng kanyang kaarawan sa tinaguriang Land of the Morning Calm ngayong Linggo (January 22), 10 ng umaga sa Matanglawin sa ABS-CBN.

Madidiskubre ni Kuya Kim ang sinaunang martial arts na Sunmundo mula sa mga mongheng nakatira sa bulubundukin ng Korea. Siya ay magtutungo rin sa UNESCO World Heritage site, ang Bulguksa Temple, ang sikretong lamp post na may butas upang makita ang mukha ng Buddha, at alamin din kung bakit kinakailangan mahawakan ang golden pig na naka-display doon. Muling isabuhay ang mga makasaysayang Koreanovela sa pag-akyat ni Atienza sa Gyo Chon Village. Alamin din ang sariling bersyon ng Korea ng ating Chocolate Hills sa Tumuli Park. Saksihan kung paano nag-enjoy ang Trivia King sa napakalawak at napakagandang bansa ng South Korea.