Kapit Lang Beshie Beshie

Beshie Beshie mga KaBisCHika usa napud ka Domingo ang atong saw-an karung adlawa. Kumusta ang inyong pagsaulog sa Sinulog niaging semana. Nanghinaut ko nga nalingaw gyud mo ug wala pud mo nakalimot sa mga religious activities. For the first time in history of my life naka kumpleto ko sa Novena Mass ug nindot kaayo’ng feeling mga KaBisChika. Dunay panahon nga kauwan unya murag imong lawas gusto na lang mo beauty rest pero kani diay nga naa kay tulumanon mouwan ug init man kini go lang gyud ta! Dili didto kutob ang akong pag ampo, kun dili mao nga mas palig-unon pa nako ang akong pagtu-o sa Kahitas-an. Dili lang kini panahon sa Sinulog week apan matag adlaw. Ang akong giampo nga unta matuman pero ang Ginoo lang gyud ang nakahibalo. Pagkakaron malipayon kaayo ko nga nibalik ang akong koneksiyon Kaniya! Gani, mura ko’g bata nga naghilak sa tago kun kantahon na ang Bato Balani pero wala lang ko ningaab kay maning ning ang mga oatch ( tawo ) hahahahahha! Kanang feeling nga duot sa bukog!

First time usab nako nitan-aw sa Sinulog Idol Season 8 Grand Finals ug first time nako nakit-an ang among editor nga si Ryan Mark nga best in dancing sa opening production nga mas nakapaHugyaw sa mga manan-away. Dili diay basta basta lang makuha nimo ang titulo sa ana lang kasayon, dapat muagi ka og mga pagsuway sa mga hurado. Sa first round kay choice sa mga Judges ang kantahon sa mga finalists, pagkahuman aduna dayo’y gi-declare nga 6th – 5th – 4th winners unya ang nahibiling tulo kay mo-proceed sa second round kun diin magtigi na sila sa ilang napili nga kanta. Congratulations ni Ian Vincent Uba nga gikan sa Lahug, ang Grand Champion sa Sinulog Idol Season 8! Gisundan ni Mary Jane Adolfo isip First Runner up ug ang Second Runner Up Mitsuko Cabillada.

Nakahilak ko very slight sa diha dunay gi-announce ang kadagkuan sa KaPandesal Multi-Purpose Cooperative kabahin sa pa mga bonggang prizes ug ang runner up nga si Mary Jane hatagan nila og four  year scholarship. Kinsay dili makahilak ana? Hugyaw kun hugyaw lang gyud ang hisgutan unya akong nakita ang mga performances usab sa mga past winners nga winner usab kaayo. Mao nga next year puhon maayo ang lawas gusto nako every night naa sa Fuente Circle para sa Sinulog Idol kay it makes you feel like you’re part of their journey as an audience, unya makit-an nimo sila molambo sa ilang craft as a singer unya moingon na lang ka dayon: siya man to oi akong gitan-aw sa Sinulog Idol! Ang tinuod nga bugno sa kamatuoran kay ang pagkahuman sa competition sigon pa sa usa sa mga hurado diha nimo makit-an unsaon nimo pag-atubang ang mga pagsuway isip usa ka singer, isip usa indibidwal and as a person, ( by Jaypee Lao )! Mao nga spread your wings and fly mga Sinulog Idols ug usa ka adlaw ana ibutang ka ni God para sa makab-ot nimo ang imong mga damgo!

First time usab nako karung tuiga nga tulo ka adlaw ko nag-host sa GMA Regional TV events. Dako kaayo kini nakong kalipay ug malipayon ko sa oportunidad nga gihatag sa Kapuso Network nako-- ilang gibubo ang tanan para sa mga Kapusong Cebuano gikan sa mga kalingawan ug gibisita gyud kita sa mga big stars. Tuod man, pagkahuman sa tulo ka adlaw diha nako nahibaw-an nga tao lang pala ako di ako robot hahahahahaha, nagkakasakit din! Imagine nagdouble dosage nako sa akong Vitamin C ug uban pang mga ritwal para dili ko dakpon sa pagaw, ubo, hilanat ug uban pa. Ako na lang kining gitan-aw on the lighter side that God wants me to take a break and rest. Mao nga thank you Lord! I am forever grateful sa tanan.  Sa mga dunay mga gipang-agian karun nga mga pagsuway, beshie beshie kapit lang gyud kay God and believe in HIM nga ang tanan dunay kahumanan ug imong mga pag-ampo ihatag niya kanimo sa saktong panahon… AMEN!(emotional mode)