Huwag mag-ilusyon Julia kaibigan lang talaga si Coco!
Maliwanag ang binitawang salita ni Julia Montes nang mag-guest siya sa Tonight with Boy Abunda at muling matanong sa matagal nang pinag-iilusyunang isyu ng marami tungkol sa totoong relasyon nila ni Coco Martin. Maliwanag pa sa sikat ng araw ang sinabi ni Julia na “Nang magsimula ang aming friendship....” na tinapos niya sa pagsasabing brillant ang kanyang kaibigan.
Idinagdag din ng kabataang aktres na ang seryeng Doble Kara na tumatakbo na ng mahigit isang taon ay magkakaroon pa ng maraming pasabog kaya hindi niya prayoridad ang lovelife. Mas gusto niyang mag-focus sa trabaho na dumarating sa kanya.
Sa Marso, mukhang babalik ng bansa ang kanyang German father na kailan lamang niya nakilala sa pamamagitan ng fans nila ni Coco Martin. Isang larawan nilang mag-ama na magkasama nung maliit pa siya ang naging tulay para makilala niya ito. Ang pag-uwi rito ng kanyang biological father ay isa na marahil sa pinakamasayang pangyayari sa kanyang buhay. Bukod sa nakilala niya ito ay nakilala rin niya ang pamilya nito, ang asawa at mga kapatid niya sa ama na mabilis nahulog ang loob sa kanya.
Hindi siya mahilig sa alahas, pero suot-suot niya ang kuwintas na bigay sa kanya ng ama. Si Coco din ay naging vocal sa kanyang saya sa pagkikita ni Julia at ng kanyang ama.
Grae niregaluhan ng mamahaling bag si Andrea
Baka malungkot si JK Labajo kapag nabatid na hindi siya kundi si Grae Fernandez, anak ni Mark Anthony Fernandez, ang gustong makapareha sa susunod na project ni Andrea Brillantes. Binigyan pa ito ng isang mamahaling bag ng apo ni Rudy Fernandez noong Pasko na madalas niyang ginagamit. Sayang at hindi siya ang kapareha ni JK sa seryeng A Love To Last, pero sila ang ibini-build up na loveteam ng ABS-CBN.
Daiana umaasang magkaka-career uli
Mababalikan na ni Daiana Meneses nang matahimik ang kanyang trabaho sa showbiz ngayong divorced na siya sa kanyang asawang pulitiko. Dati kasi noong mag-asawa pa sila ay kailangan pa niya ng permiso mula rito para sa anumang bagay na gagawin niya kasama na ang may kinalaman sa karera niya at pagnene gosyo. May reality modeling show siya na ihu-host sa GMA, ang The Fiercest of Them All na magsisimula na sa Marso 5.
Umaasa ito na mababalikan niya nang buong-buo ang kanyang napabayaang karera.
Mommy D naunahan pa ang mga bagets kay Derek!
Gagawa pala si direk Joven Tan ng launching movie ni Dionisia Pacquiao, ina ng Pambansang Kamao Manny Pacquiao. At huwag n’yong hamakin dahil ang hunk na si Derek Ramsey ang makakatambal nito. Naunahan pa niya ang ibang kabataang aktres na makasama ang hunk actor.
Nagsimula na namang magparamdam ang ina ng boksingerong kampeyon nang makasama ito sa cast ng movie na nagtatampok kina Marco Masa, Raikko Mateo, at Lyca Gairanod na Tatlong Bibe. Nakipagsabayan ito ng akting kay Eddie Garcia. Para lamang siyang isang pulitiko na laging may bantay na bodyguards.
- Latest