Sa Pilipinas na gyud!

CEBU, Philippines - Pormal na nga gianunsyo sa mga nagdumala ug kadagkuan sa Miss Universe Organization nga mahitabo na gyud sa Pilipinas ang gikahinamang Miss Universe 2016.

Gilaumang magsugod ang maong pageant sa alas otso ug tapuson pagka alas onse sa buntag ug kini ipahigayun sa Mall of Asia Arena karong January 30, 2017.

Ang maong formal announcement gihimo sa Miss Universe Organization niadtung Miyerkules sa Rizal Ballroom sa Makati Shangrila.

 Present sab ang pipila sa mga representante sa private sectors nga adunay dakong kontribusyon sa pagpahigayun sa maong pageant sa nasud.

 Ang milagda sa maong historical partnership agreement mao silang MUO Vice President Shawn McClain, Solar Entertainment Corporation CEO Wilson Tieng, SM Lifestyle President Edgar Tejero, Okada Manila COO Takihiro Usui, Pass It Forward Official Philanthropy Platform Managing Director Terry Alan Farris ug si Former Ilocos Governor ug LCS holdings Chairman President Luis Chavit Singson.

Atol sa maong conference gipasabot sa Vice President sa Miss U nga si VP McClain ang rason kun nganung nadugay ang confirmation sa pagpahigayun sa maong indigay sa Pilipinas.

“Like I said before that this is a big, big project that takes a lot of partners, so it’s like a helicopter that has 10 thousand parts. So before all these parts came in to their right place, we really have to make sure that everything is right and sure before we make an official announcement,” si McClain nagkanayon.

Gipabuhagay sab sa Miss U. Organization nga anaa pa sila karon sa proseso sa pakipag-negotiate arun sa pag-distribute sa maong show sa mga local channels ug digital Television. Gipaambit sab nila nga pipila sa pagabisitahon sa mga kandidata sa Miss U mao ang Vigan, Cebu, Baguio ug Davao.

Maria Ozawa nagpa-abort!

Giangkon ni Maria Ozawa atol sa usa ka podcast session sa programang Good Times With Mo nga adunay higayun nga nagpa- abort siya.

Gani iyang gipaambit nga ka usa ra siya ka higayun nga nakapakuha sa iyang gisabak ug iya ning nabuhat tungod kay kini normal lang sa nasud nga Japan.

 “Living in Japan, it’s like, I don’t’ want to say this, but it’s like normal when you’re in your teens. After I came here and found out from people that family is so important, right? And for the religious facts, they don’t abort kids. So, they say that so many underage, young people having pregnant and they’re getting poor blah, blah, blah, and they’re still saving lives. From my perspective, I think that’s a really good thing to do than just killing kids,” paambit pa ni Maria.

Dugang pa niya nga ang bata nga iyang gisabak bunga kadto sa panagtagay nila sa hilawasnong kalipay sa iyang kanhi boyfriend dungan sa paghatag niya’g katin-awan nga di kadto produkto sa iyang mga na-partner sa pagmugna og adult films.

Sa iyang pagbana-bana kini nahitabo niadtong 19 anyos pa lamang siya. (BANAT NEWS)