Mariel nanganak na!

CEBU, Philippines - Nanganak na gyud  og usa ka batang babaye ang TV host nga si  Mariel Rodriguez-Padilla human sa 21 ka oras nga labor niini  didto sa Estados Unidos. Gipahibawo kini sa iyang bana nga si Robin Padilla pinaagi sa pag-post og video sa Instagram. Bisan pa man og wala si Robin sa kiliran sa iyang asawa, mapasalamaton usab siya gumikan kay normal lang ang pagpanganak ni Mariel. Ang maong bata ginganlan og Isabel.

Nagpasikat  ang bana

Nasurprisa ang bana ni Solenn Heussaff nga si Nico Bolzico gumikan kay daghan ang iyang nadawat nga mga komento gikan sa netizens tungod sa iyang mga  post sa Instagram. Matud pa ni Solenn nga nagpasikat ang iyang bana kung diin ang iyang mga gipost nga hulagway nagpakita  kini sa  “funny sides” sa  iyang pagkatawo. 

Comeback project

Busy karon ang Kapamilya aktres nga si Bea Alonzo alang sa iyang comeback  TV series nga nag-ulohan og   A Love To Last  kung diin iyang makapares si Ian Veneracion. Ang duha tua  karon sa Germany alang sa shooting sa pipila nila ka  eksena.

Maapektohan sa bashers

Giangkon ni Kapamilya aktor  Mateo Guidicelli nga naapektohan siya sa lenggua sa  iyang bashers. Matud pa niya nga mobasa gyud siya og mga komento gikan sa netizens. Gitug-an usab niya nga motubag usab siya usahay sa mga bating komento ngadto kaniya aron depensahan ang iyang kaugalingon.

Inspirasyon ang igsuon

Gihimong  inspirasyon ni Edgar Allan Guzman ang iyang igsuon nga usa ka bayot   busa dili siya maglisod kung ingon niini ang iyang role . Matud pa niya nga  hunahunaon lamang niya ang iyang igsuon kung mo-arte na siya isip usa ka bayot. Proud usab siya sa iyang igsuon tungod kay wala kini dautan nga gibuhat sa katilingban.

Pribadong lovelife

Gisaysay  sa bag-ong Kapamilya star nga si Enzo Pineda nga ang iyang  girlfriend ang naa sa iyang hunahuna  kung aduna sila’y eksena sa iyang onscreen partner nga si JC Santos sa seryeng  Till I Met You. Giangkon usab niya nga gusto siya og pribado nga kinabuhi ug dili niya type ang maistoryaan sa mga tawo ang iyang lovelife.

Indecent proposals

Giangkon sa hunk actor nga si  Derek Ramsey nga dili niya malikayan nga makadawat og indecent proposals  gikan sa mga bayot ug babaye.  Matud pa niya nga  dili  na kini big deal alang kaniya. “Kung salita lang, hindi naman nakakasakit yun so ako, okay lang. I just laughed at it. Pero if they go over the line and they touched me, then I’ll probably use a little bit of force”, suma pa ni Derek.

Erik ug Angeline sa MMK

Magpares sa labing una nga higayon   sa usa ka proyekto ang  gihugon-hugon nga manag-uyab nga sila si  Erik Santos ug Angeline Quinto . Mahitabo kini sa  episode sa Maalala Mo Kaya karong Sabado.

Negosyo ni  Alden

Gipakita na sa Pambansang Bae Alden Richards ang tipik sa iyang negosyo nga naa mahimutang sa Quezon City. Gianunsyo usab ni Alden ang maayong balita sa Twitter nga mobukas na ang iyang bag-ong branch puhon. 

Dako og natabang

Bililhon alang kang Sandara Park ang ilang panaghigala ni Pauleen Luna-Sotto gumikan kay mao kini ang nikumbinsir  kaniya nga mosalmot sa Star Circle Quest  kaniadto kung diin napili  siya isip first runner-Up. Matud pa ni Sandara nga usa si Pauleen sa mga hinungdan sa tanan niyang mga naangkon karon.

Motagad gyud

Gitataw ni Jessy Mendiola nga tagdon gyud niya  ang ex-girlfriend ni Luis Manzano nga si Angel Locsin sa higayon nga magkasugat sila niini. Una na nga gipadayag ni Jessy nga andam siya makauban sa proyekto si Angel.  (BANAT NEWS)