Christian mi-perform sa Laos
CEBU, Philippines - Si Christian Bautista maoy representante sa Pilipinas sa 2016 ASEAN Music and Culinary Festival nga gipahigayon sa Laos kagahapon.
Dakong garbo alang sa singer nga makauban sa usa ka kalihokan ang nagkadaiyang performers gikan sa laing nasud.
Nasayran nga ilado na pud si Christian sa ubang nasud gumikan sa iyang hit songs sama sa The Way You Look At Me, Hands to Heaven, Tell Me Your Name ug uban pa.
Rhian biktima sa sexual harassment
Nahimong biktima si Rhian Ramos sa sexual harassment sa dihang nitambong siya og party uban sa iyang mga higala.
Sa maong party, aduna’y laki nga nagbinastos kaniya pinaagi sa paghikap sa iyang lawas.
Nakahilak si Rhian sa maong hitabo hinungdan nga gidala ang maong lalaki sa iyang atubangan ug nangayo kini og pasaylo kaniya apan kalit lang kini nagbinastos og balik.
"I was in tears. I then went after him and emotionally, I was out for blood... but I was too late. The security told me he had taken his car and left,” suma pa sa Instagram post sa aktres.
Tak-om lang si Rhian sa identity sa maong lalaki ug nahibaw-an niya nga taga Cebu kini.
"It turns out he has daughters and for their sake, he will remain anonymous throughout this post. He's back in Cebu and I won't be speaking to him personally, but he can expect a message from me before this day ends,” dugang pa ni Rhian.
Album ni Inigo gi-release na
Puwerting lipaya sa anak ni Piolo Pascual nga si Inigo gumikan kay na-release na gyud ang iyang self-titled album.Suma pa nga dugay na kaayo kini nga gipangandoy sa anak sa aktor.
Nasay-ran nga talented nga pagkatawo si Inigo, gumikan kay gawas sa pagkanta, maayo usab siya mo-play og guitar ug piano.
Siya mismo ang nag-compose sa pipila ka unod sa iyang album, kini sama sa “Dahil Sa’yo,” “Fallen,” ug “Dito.”
Bisan pa man sa ka-busy sa iyang career, ipadayon gihapon ni Inigo ang iyang pagtungha gumikan kay mao kini ang iyang gisaad ngadto sa iyang amahan.
Regine mipahimangno sa Divas
Usa sa nahimong highlight sa Divas in Manila Concert niadtong Biyernes mao ang partisipasyon sa Asia’s Songbird nga si Regine Velasquez-Alcasid.
Nahimong mahinungdanon ang maong konsyerto gumikan kay misugot gyud kini nga mahimong guest tungod kay mao gyud kini ang pinakagiidolo nila ni Kyla, Angeline Quinto, KZ Tandingan ug Yeng Constantino sa industriya sa dihang nagsugod pa lang sila sa ilang karera.
Tagsa-tagsa ka mga sikat nga kanta ang ilang giawit kung diin ka-duet gyud nila si Regine ug gitapos kini sa pagbirit sa awit nga Shine.
Malipayon si Regine gumikan kay wala gyud siya makalimti sa upat bisan pa man og malampuson na sila sa ilang kinabuhi. Aduna usab siya’y pahimangno aron mas molambo pa sila sa ilang karera. “Sana ipagpatuloy niyo, sundan niyo ng sundan ng concerts na ganito para mahasa pa kayo ng mahasa. Suportahan natin ang OPM”, suma pa ni Regine.
Ai-Ai mobisita sa Santo Papa
Nagplano si Ai-Ai delas Alas nga mobisita sa Vatican karong Enero aron personal nga magpasalamat ngadto sa Santo Papa sa rekognasyon nga nadawat niini. Mapasalamaton ang Comedy Queen nga si Ai Ai gumikan kay atol sa iyang 52nd birthday niadtong Biyernes, hingpit na gyud niya nga nadawat ang Papal Award sa Cathedral of the Good Shepherd sa Regalado Avenue, Novaliches, Quezon City.
Ang makadawat sa maong klase award mao kadtong mga pinili sa Santo Papa nga adunay lapad nga serbisyo sa simbahang katoliko.
Gipadayag niya nga usa kini sa grasya nga gihatag sa Ginoo ngadto kaniya.
“Siguro may misyon siya for me, sumusunod lang ako”, matud pa ni Ai-Ai.
Gibutyag usab niya nga magpabilin siya sa iyang trabaho ug wala’y mausab niini tungod kay matud pa niya dili siya usa ka santo.
“Dapat maingat at saka siguro hindi naman ako pwede mag-tangga, mag-shorts nalang, mga ganyan”, dugang pa ni Ai-Ai. – Preciosa L. Bacalso
Kristel mipasabot sa iyang pagka-NBSB
Gibutyag ni Kristel Fulgar nga dili pa gyud siya andam makabaton og uyab bisan pa man nga ubay-ubay na ang midiskarte kaniya.
Giangkon sa aktres nga naanad na siya sa iyang pagka-NBSB o no boyfriend since birth.
Matud pa niya nga dili siya ganahan sa style nga panguyaban pinaagi lang sa text.a
“Kasi para sa akin, may pagka-old fashioned ako pagdating sa panliligaw. Parang ‘yung mga pahiwatig through text, parang hindi siya ligaw para sa akin. Parang hindi ko gusto ‘yung gano’ng style. Parang nabababawan po ako,” suma pa ni Kristel sa dihang nilugwa sa programang Magandang Buhay sa ABS-CBN.
Giangkon usab ni Kristel nga mahadlok usab siya masakitan busa dili siya basta-basta sa pagsulod sa maong butang.
“Ang hirap kasing magkamali. Masakit masaktan,” suma pa niya. Sa pagka-karon, nalingaw ra siya sa presensya sa iyang pamilya ug sa suod niya nga mga higala.
“At saka feeling ko kasi, kaya hindi rin po ako gustong mag-boyfriend kasi parang contented na po ako sa pagmamahal na binibigay sa akin ng family ko, ng friends ko so happy po ako sa gano’n,” dugang pa ni Kristel. (BANAT NEWS)
- Latest